രാജ്യത്ത് ക്രൈസ്തവർക്കുനേരേയുള്ള പീഡന നിരക്ക് ഉയരുന്നുവെന്ന് യുണൈറ്റഡ് ക്രിസ്ത്യൻ ഫോറം

ന്യൂഡൽഹി: കഴിഞ്ഞ പത്ത് വർഷത്തിനിടെ രാജ്യത്ത് ക്രൈസ്തവർക്കുനേരേയുള്ള പീഡനങ്ങൾ വർധിച്ചതായി യുണൈറ്റഡ് ക്രിസ്ത്യൻ ഫോറം. ക്രൈസ്തവർക്കെതിരേ 4356 അക്രമങ്ങളാണ് 2014 മുതൽ ഇതുവരെ രാജ്യത്ത് റിപ്പോർട്ട് ചെയ്തത്. 2023 ൽ 734 ആയിരുന്നത് 2024 ൽ 834 ആയി വർധിച്ചു. ക്രസ്തീയ ദേവാലയങ്ങൾക്ക് നേരെയുള്ള അക്രമങ്ങളും വർധിച്ചു. കൂടാതെ മതപരിവർത്തനം ആരോപിച്ച് ക്രിസ്ത്യാനികളെ കള്ളക്കേസിൽ കുടുക്കി സമ്മർദ്ദത്തിലാക്കുകയാണ് ചെയ്യുന്നതെന്നും വിവിധ ക്രൈസ്തവസംഘടനകൾ ആരോപിക്കുന്നു,