കാമുകിക്ക് വേണ്ടി 110 കെ വി ട്രാൻസ്മിഷൻ ടവറില്‍ കയറി യുവാവിന്റെ ആത്മഹത്യാഭീഷണി

പത്തനംതിട്ട: 110 കെ വി ട്രാൻസ്മിഷൻ ടവറില്‍ കയറി യുവാവിന്റെ ആത്മഹത്യാഭീഷണി. അടൂരില്‍ കോട്ടമുകള്‍ സ്വദേശി രതീഷ് ആണ് കുപ്പിയില്‍ പെട്രോളുമായി ടവറില്‍ കയറി ആത്മഹത്യാഭീഷണി ഉയർത്തിയത്. രാത്രി ഒൻപതരയോടെയായിരുന്നു സംഭവം. താൻ സ്‌നേഹിക്കുന്ന പെണ്‍കുട്ടിയെ സ്ഥലത്തെത്തിച്ചാല്‍ മാത്രമേ താഴെയിറങ്ങുകയുള്ളൂവെന്ന് ഇയാള്‍ പറഞ്ഞു . ഒടുവില്‍ പുലർച്ചെയോടെ പൊലീസ് പെണ്‍കുട്ടിയെ സംഭവ സ്ഥലത്ത് എത്തിക്കുകയായിരുന്നു . പെൺകുട്ടിയെ പോലീസ് സ്ഥലത്ത് എത്തിച്ച ശേഷമാണ് ഇയാൾ താഴെ ഇറങ്ങിയത്.