തലശേരി - മാഹി ബൈപാസിൽ ടോൾ നിരക്ക് കൂട്ടി

കണ്ണൂർ: തലശേരി- മാഹി ബൈപാസിൽ ടോൾ നിരക്ക് കൂട്ടി. കാറുകൾക്ക് പുതുക്കിയ ടോൾ നിരക്ക് പ്രകാരം 75 രൂപയാണ് ഒരു വശത്തേക്ക് മാത്രം നൽകേണ്ടി വരിക. ഇരുഭാഗത്തേക്കുമായി നൽകേണ്ടത് 110 രൂപ. മുൻപ് ഈടാക്കിയിരുന്ന ടോൾ നിരക്ക് 65 രൂപയായിരുന്നു. നിലവിൽ 10 രൂപയാണ് കൂട്ടിയത്. വാഹനങ്ങളുടെ പ്രതിമാസ നിരക്കും വർധിക്കും. അൻപത് യാത്രകൾക്ക് 2195 രൂപയിൽ നിന്ന് 2440 രൂപയാവും. എന്നും ഈ പാതയിൽ യാത്ര ചെയ്യുന്ന സാധാരണക്കാർക്ക് ഇത് വലിയ തിരിച്ചടിയാണെന്ന് യാത്രക്കാർ പറയുന്നു. കുറഞ്ഞ ദൂരത്തിന് നൽകിപ്പോന്നത് കൂടുതൽ ടോളെന്ന പരാതി ആദ്യമേ ഉയർന്നിരുന്നു.