ട്രാസ്‌ക് ഇഫ്താർ സംഗമം സംഘടിപ്പിച്ചു

കുവൈറ്റ് സിറ്റി : തൃശ്ശൂർ അസോസിയേഷൻ ഓഫ് കുവൈറ്റ് (ട്രാസ്‌ക്) അംഗങ്ങൾക്കായി ഇഫ്‌താർ സംഗമം സംഘടിപ്പിച്ചു.അസോസിയേഷൻ പ്രസിഡന്റ് ശ്രീ. ബിജു കടവി അദ്ധ്യക്ഷത വഹിച്ച ഇഫ്താർ സംഗമ ചടങ്ങിൽ ആക്റ്റിംഗ് ജനറൽ സെക്രട്ടറി ശ്രീ. ബിജു സി ഡി സ്വാഗതം പറഞ്ഞു. വിശിഷ്ട അതിഥിയും സാമൂഹ്യ പ്രവർത്തകനുമായ മനോജ്‌ മാവേലിക്കര, ട്രാസ്ക് വനിതാവേദി ജനറൽ കൺവീനർ ജെസ്‌നി ഷമീർ, ട്രാസ്‌ക് വൈസ് പ്രസിഡന്റ്‌ ജഗദാംബരൻ, ട്രാസ്കിന്റെ ആനുവൽ സ്പോൺസർ ജോയ് ആലുക്കാസ് പ്രതിനിധി സൈമൺ പള്ളിക്കുന്ന ത്ത് എന്നിവർ ആശംസകൾ അർപ്പിച്ച് സംസാരിച്ചു. ഇസ്ലാമിക പണ്ഡി തനും എഴുത്തുകാരനുമായ ഫൈസൽ മഞ്ചേരി ഇഫ്‌താർ സന്ദേശം നൽകി. റംസാൻ വ്രതത്തിന്റെ പ്രാധാന്യത്തെക്കുറിച്ച് അദ്ദേഹം സംസാരിച്ചു.

അസോസിയേഷൻ മുൻ ഭാരവാഹികൾ, ഏരിയ കൺവീനർമാർ, ഇലക്ഷൻ കമ്മീഷണർ, ഉപദേശക സമിതി അംഗങ്ങൾ, മറ്റു ജില്ലാ അസോസിയേഷൻ പ്രതിനിധികൾ എന്നിവർ ആശംസകൾ അർപ്പിച്ചു സംസാരിച്ചു. മീഡിയ കൺവീനർ സതീഷ് പൂയത്ത്, സ്പോർട്സ് കൺവീനർ ജിൽ ചിന്നൻ, വനിതാവേദി സെക്രട്ടറി ഷാന ഷിജു എന്നിവർ പരിപാടികൾക്ക് നേതൃത്വം നൽകി. ഫഹാഹീൽ ഓഡിറ്റോറിയത്തിൽ നടന്ന ഇഫ്താർ വിരുന്നിൽ 300 ഇൽ അധികം പേർ പങ്കെടുത്തു.ട്രഷറർ തൃതീഷ് കുമാർ നന്ദി പ്രകാശിപ്പിച്ചു.