ട്രാസ്ക് ക്രിക്കറ്റ് ടൂർണ്ണമെന്റ് : അബ്ബാസിയ എ ഏരിയ 'എ ടീം' ജേതാക്കൾ!
തൃശ്ശൂർ അസോസിയേഷൻ ഓഫ് കുവൈറ്റ് അംഗങ്ങൾക്കായി സംഘടിപ്പിച്ച ക്രിക്കറ്റ് ടൂർണ്ണമെന്റിൽ അബ്ബാസിയ എ ഏരിയയുടെ ബി ടീമിനെ പരാജയപ്പെടുത്തി അബ്ബാസിയ എ ഏരിയയുടെ എ ടീം ജേതാക്കളായി. അബ്ബാസിയ ടി സി ർ ക്രിക്കറ്റ് ഗ്രൗണ്ടിൽ നടന്ന ടൂർണമെന്റിൽ വിവിധ ഏരിയകളെ പ്രതിനിധീകരിച്ച് 12 ടീമുകളാണ് പങ്കെടുത്തത്. ട്രാസ്ക് പ്രസിഡന്റ് ശ്രീ. ആന്റോ പാണേങ്ങാടൻ ഉദ്ഘാടനം ചെയ്തു, ടൂർണമെന്റിന് സ്പോർട്സ് കൺവീനർ നിതിൻ ഫ്രാൻസിസ് സ്വാഗതവും ട്രഷറർ ജാക്സൺ ജോസ് നന്ദിയും രേഖപ്പെടുത്തി.
അബ്ബാസിയ എ ഏരിയ എ ടീമിലെ ഷാജിലിനെ മാൻ ഓഫ് ദി സീരീസും, മാൻ ഓഫ്ദി മാച്ച് ഫൈനലും, ബെസ്റ്റ് ബാറ്റ്‌സ് മാന്യമായി തെരെഞ്ഞെടുത്തു. അതേ ടീമിലെ തന്നെ ഹുസൈനെ ബെസ്റ്റ് ബോളറൂം അബ്ബാസിയ എ ഏരിയ ബി ടീമിലെ ജാക്ക്സനെ ബെസ്റ്റ് വിക്കറ്റ് കീപ്പറായും തിരഞ്ഞെടുത്തു.
വിജയികൾക്കുള്ള ട്രോഫികൾ പ്രസിഡന്റ് ആന്റോ പാണേങ്ങാടൻ, ജനറൽ സെക്രട്ടറി ഹരി കുളങ്ങര, ട്രഷറർ ജാക്സൺ ജോസ്, സ്പോർട്സ് കൺവീനർ നിതിൻ ഫ്രാൻസിസ്, വനിതാ വേദി ജനറൽ കൺവീനർ ഷെറിൻ ബിജു, വൈസ് പ്രസിഡന്റ് രജീഷ് ചിന്നൻ, സോഷ്യൽ വെൽഫയർ കൺവീനർ ജയേഷ് എങ്ങണ്ടിയൂർ, മീഡിയ കൺവീനർ വിനീത് വിൽ‌സൺ, ആർട്സ് കൺവീനർ വിനോദ് ആറാട്ടുപുഴ, കേന്ദ്രക്കമ്മിറ്റി അംഗങ്ങൾ, ഏരിയ കമ്മിറ്റി അംഗങ്ങൾ എന്നിവർ സമ്മാനിച്ചു.
