തൃക്കാക്കരയുടെ ആശാ പ്രവര്‍ത്തകര്‍ക്ക് 'ഹൃദയാദരം'

കൊച്ചി: കോവിഡ് പോലുള്ള മഹാമാരി വ്യാപനം തടയുന്നതിനും പ്രതിരോധ പ്രവര്‍ത്തനങ്ങള്‍ക്കും മുന്‍പന്തിയിലുണ്ടായിരുന്ന ആശ വര്‍ക്കര്‍മാരെ ആദരിക്കുന്നു. എംഎല്‍എ പി ടി താമസ് ഫൗണ്ടേഷന്റെ നേതൃത്വത്തില്‍ തൃക്കാക്കര നിയോജകമണ്ഡലത്തിലെ മുഴുവന്‍ ആശാ പ്രവര്‍ത്തകരേയുമാണ് ആദരിക്കുന്നത്. ഫെബ്രുവരി 16ന് വൈകിട്ട് 3 മണിക്ക് തൃക്കാക്കര ഭാരത് മാത കോളജ് ഓഡിറ്റോറിയത്തിലാണ് പരിപാടി സംഘടിപ്പിച്ചിരിക്കുന്നത്. ചടങ്ങില്‍ ചലച്ചിത്രതാരം ഭാവന മുഖ്യാതിഥിയായിരിക്കും.

പാര്‍ശ്വവത്കരിക്കപ്പെട്ടവര്‍ക്ക് ആരോഗ്യ സേവനങ്ങള്‍ എത്തിക്കുന്നതിലൂടെ ഇന്ത്യയുടെ ആരോഗ്യ മേഖലയെ വികേന്ദ്രീകരിക്കുന്നതില്‍ നമ്മുടെ ആശാവര്‍ക്കര്‍മാര്‍ വഹിക്കുന്ന പങ്ക് നിസ്തുലമാണ്.