പാലക്കാട് ഇളക്കിമറിച്ച് യുഡിഎഫിന്റെ വിജയാഘോഷം

പാലക്കാട്: യുഡിഎഫ് സ്ഥാനാർഥി രാഹുൽ മാങ്കൂട്ടത്തിലിന്റെ വിജയാഘോഷം പാലക്കാട് നഗര വീഥിയിലൂടെ മുന്നോട്ടുപോവുകയാണ്. രാഹുൽ മാങ്കൂട്ടത്തിന് ഒപ്പം വി കെ ശ്രീകണ്ഠൻ എംപി, ഷാഫി പറമ്പിൽ എംപി, സന്ദീപ് വാര്യർ, അൻവർ സാദത്ത് എംഎൽഎ, പി സി വിഷ്ണുനാഥ് എന്നിവർ റോഡ് ഷോയിൽ രാഹുലിന് ഒപ്പമുണ്ട്. റോഡിന് ഇരുവശത്തുമായി പ്രവർത്തകർ ആവേശത്തോടെയാണ് രാഹുൽ മാങ്കൂട്ടത്തിലിനെ വരവേൽക്കുന്നത്. വാദ്യമേളങ്ങൾ, ശബ്ദ മേളങ്ങൾ എന്നിവയുടെ അകമ്പടിയോടെ പാലക്കാട് നഗരമാകെ ഇളക്കിമറിക്കുകയാണ് യുഡിഎഫ് പ്രവർത്തകർ.