ആവേശക്കൊടുമുടിയേറി യുഡിഎസ്എഫ് ബുള്ളറ്റ് റൈഡ്

പാലക്കാട്‌: അവകാശ പോരാട്ടങ്ങളുടെ ഇന്നലെകൾ നൽകിയ ഊർജ്ജത്തോടെ വിദ്യാർഥി സംഘടന രാഷ്ട്രീയത്തിൽ തുടങ്ങി യുവജന രാഷ്ട്രീയത്തിലൂടെ തിളങ്ങിനിൽക്കുന്ന യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന്റെ പ്രചാരണാർത്ഥം യുഡിഎസ്എഫിന്റെ നേതൃത്വത്തിൽ ബുള്ളറ്റ് റൈഡ് സംഘടിപ്പിച്ചു. കോട്ടമൈതാനിയിൽ നിന്നുമാണ് ബുള്ളറ്റ് റൈഡ് ആരംഭിച്ചത്. യൂത്ത് കോൺഗ്രസ് ജില്ലാ പ്രസിഡന്റ് കെ എസ് ജയഘോഷ് റൈഡ് ഫ്ലാഗ് ഓഫ് ചെയ്തു. യുഡിഎസ്എഫ് നേതാക്കളായ നിഖിൽ കണ്ണാടി, ഹംസ, ആൻ സെബാസ്റ്റ്യൻ, ഗൗജ വിജയകുമാരൻ, അജാസ് കുഴൽമന്ദം, അൻസിൽ, ആഷിഫ്, സ്മിജ രാജൻ, ഗോപൻ പൂക്കാടൻ, ആകാശ് കുഴൽമന്ദം, അമൽ കണ്ണാടി തുടങ്ങിയവർ നേതൃത്വം നൽകി.