ഓർമ്മകളിലെന്നും ഉമ്മൻ‌ചാണ്ടി : കുവൈറ്റിൽ ഉമ്മൻ‌ചാണ്ടി അനുസ്മരണം വെള്ളിയാഴ്ച !

^{കുവൈറ്റ് സിറ്റി : ഓർമ്മകളിലെന്നും ഉമ്മൻ‌ചാണ്ടി : കുവൈറ്റിൽ ഉമ്മൻ‌ചാണ്ടി അനുസ്മരണം ജൂലൈ 19 വെള്ളിയാഴ്ച യുണൈറ്റഡ് ഇന്ത്യൻ സ്‌കൂളിൽ നടക്കും. അന്ന് വൈകുന്നേരം 7 മണിക്ക് യു ഐ എസ് ഓഡിറ്റോറിയത്തിൽ നടക്കുന്ന ഉമ്മൻ‌ചാണ്ടി അനുസ്മരണ സമ്മേളനം കുവൈറ്റ് ഒഐസിസി യുടെ ചുമതലയുള്ള കെപിസിസി ജന. സെക്രട്ടറി അഡ്വ. അബ്ദുൽ മുത്തലിബ് ഉദ്‌ഘാടനം ചെയ്യും. ഉമ്മൻചാണ്ടിയുടെ ഛായാചിത്രത്തിൽ പുഷ്പ്പാർച്ചനയുമുണ്ടാവും.}

^{ഒഐസിസി നാഷണൽ കമ്മിറ്റി പ്രസിഡന്റ് ശ്രീ വർഗീസ് പുതുകുളങ്ങരയുടെ അധ്യക്ഷതയിൽ നടക്കുന്ന അനുസ്മരണ സമ്മേളനത്തിൽ ഗ്ലോബൽ കമ്മിറ്റി ചെയർമാൻ ശ്രീ കുമ്പളത്ത് ശങ്കരപ്പിള്ള ഓൺലൈൻ ആയി അനുസ്മരണ പ്രഭാഷണം നടത്തും. മുഴുവൻ ഒഐസിസി ജില്ലാ കമ്മിറ്റികളുടെയും പങ്കാളിത്തമുണ്ടാവും. മലയാളി എക്കാലവും മനസ്സിൽ സൂക്ഷിക്കുന്ന നന്മയുടെ നിറകുടമായിരുന്ന ഉമ്മൻചാണ്ടിയുടെ പ്രഥമ അനുസ്മരണ സമ്മേളനത്തിലേക്ക്‌ സഹൃദയരായ ഏവരെയും സംഘാടകർ ക്ഷണിച്ചിട്ടുണ്ട്.}