പാതയോരം പഠിപ്പുപുരയാക്കിയആനന്ദിനെ ചേർത്തുപിടിച്ച് വി ഡി സതീശൻ

ആനന്ദിനൊപ്പം പ്രതിപക്ഷ നേതാവ് വി ഡി സതീശനും ഡിസിസി പ്രസിഡന്റ് മുഹമ്മദ് ഷിയാസും

കൊച്ചി: പാതയോരം പഠിപ്പുപുരയാക്കിയ ആറ് വയസുകാരൻ ആനന്ദിനെ ചേർത്തുപിടിച്ച് പ്രതിപക്ഷ നേതാവ് വി ഡി സതീശൻ. വാർത്തകളിൽ നിന്നാണ് ആനന്ദിനെ പറ്റി പ്രതിപക്ഷ നേതാവ് അറിയുന്നത്. കലൂർ സ്റ്റേഡിയത്തിലേക്കുള്ള വഴിയരികിൽ വച്ച് അദ്ദേഹം ആനന്ദിനെ കാണുകയുണ്ടായി. വഴിയോരത്ത് പച്ചക്കറി വിൽക്കുന്ന അപ്പൂപ്പനും അമ്മൂമ്മയും ആണ് ആനന്ദിന്റെ ഏക ആശ്രയം. അവന് പഠിക്കാനുള്ള എല്ലാ സൗകര്യവും നൽകുമെന്ന ഉറപ്പുനൽകിയാണ് പ്രതിപക്ഷ നേതാവ് യാത്ര പറഞ്ഞത്.

സ്വന്തമായി ഒരു വീടെന്ന അവരുടെ ആഗ്രഹം സാക്ഷാത്കരിക്കുന്നതിന് എല്ലാ വഴിയും തേടുമെന്നും അദ്ദേഹം പറഞ്ഞു. എന്താവശ്യത്തിനും വിളിക്കാൻ ഫോൺ നമ്പർ എഴുതി നൽകി , സമ്മാന പൊതികളും നൽകിയ ശേഷമാണ് പ്രതിപക്ഷ നേതാവ് വി ഡി സതീശൻ മടങ്ങിയത്.
ഡി സി സി പ്രസിഡൻ്റ് മുഹമ്മദ് ഷിയാസിനൊപ്പമാണ് ആനന്ദിനെ കാണാൻ വി ഡി സതീശൻ എത്തിയത്. കുറച്ചുനേരം കുശലാന്വേഷണം നടത്തിയ ശേഷമാണ് അദ്ദേഹം മടങ്ങിയത്.