വീക്ഷണം പ്രഥമ പ്രവാസി പുരസ്‌കാരം വർഗ്ഗീസ് പുതുകുളങ്ങരക്ക്

കുവൈറ്റ് സിറ്റി : വീക്ഷണം പ്രഥമ പ്രവാസി പുരസ്‌കാരം ഒഐസിസി കുവൈറ്റ് പ്രസിഡന്റ്ശ്രീ വർഗ്ഗീസ് പുതുകുളങ്ങരക്ക് നൽകും. വീക്ഷണം ദിനപത്രത്തിന്റെ 48 - മത് വാർഷിക ത്തോടനുബന്ധിച്ച് ഫെബ്രുവരി 19 ന് തിങ്കളാഴ്ച കൊച്ചിയിൽ നടക്കുന്ന പുരസ്‌കാര സന്ധ്യയിൽ വച്ച് ആണ് അവാർഡ് നൽകുന്നത്. നാളെ വൈകുന്നേരം ആറുമണിക്ക് ശ്രീ ഗോകുലം കൺവെൻഷൻ സെന്റർ ലാണ് ചടങ്ങു സംഘടിപ്പിച്ചിട്ടുള്ളത്. പ്രാവാസികൾക്കിടയിലെ ശ്രദ്ധേയമായ പ്രവർത്തനങ്ങൾ മുൻ നിർത്തിയാണ് ശ്രീ വര്ഗീസ് പുതുകുളങ്ങരക്ക് അവാർഡ് പ്രഖ്യാപിച്ചിട്ടുള്ളത്.വിവിധ മേഖലകളിൽ പ്രശസ്തരായ പ്രമുഖരെ അവാർഡ് നൽകി ആദരിക്കുന്നുണ്ട്. എ ഐ സി സി ജനറൽ സെക്രട്ടറി ശ്രീ കെ സി വേണുഗോപാൽ എംപി അവാർഡ് നൽകും.

ശ്രീ കെ സി വേണുഗോപാൽ എംപി മുഖ്യാതിഥി യാവുന്ന ചടങ്ങിൽ , കെപിസിസി പ്രസിഡന്റ് ശ്രീ. കെ സുധാകരൻ എംപി, പ്രതിപക്ഷ നേതാവ് ശ്രീ. വി ഡി സതീശൻ എംഎൽ എ, എ ഐസിസി വർക്കിംഗ് കമ്മിറ്റി മെമ്പർമാരായ ശ്രീ. രമേശ്‌ ചെന്നിത്തല എംഎൽഎ, ശ്രീ. ശശി തരൂർ എം. പി., ശ്രീ. കൊടിക്കുന്നിൽ സുരേഷ് എംപി, കർണാടക എനർജി മിനിസ്റ്റർ ശ്രീ. കെ ജെ ജോർജ്, യുഡിഫ് കൺവീനർ ശ്രീ. എം എം ഹസ്സൻ എന്നിവരും പങ്കെടുക്കും . വീക്ഷണം മാനേജിങ് ഡയറക്ടർ അഡ്വക്കേറ്റ് ജൈസൺ ജോസഫ് , മാനേജിങ് എഡിറ്റർ ശ്രീ ശൂരനാട് രാജശേഖരൻ തുടങ്ങി വീക്ഷണം മാനേജ്‍മെന്റ് അംഗങ്ങൾ നേതൃത്വം നൽകും.