വീക്ഷണം-പി.ടി തോമസ് ബെസ്റ്റ് സ്റ്റുഡന്റ്റൈറ്റേഴ്സ് അവാർഡ്: എൻട്രികൾ ജൂൺ 10 വരെ അയയ്ക്കാം

കൊച്ചി: വീക്ഷണം ചീഫ് എഡിറ്ററും പരിസ്ഥിതിപ്രവർത്തകനും മുതിർന്ന എംഎൽഎയുമായിരുന്ന അഡ്വ. പി.ടി. തോമസിന്റെ സ്മരണാർഥം ഏർപ്പെടുത്തിയ വീക്ഷണം-പി.ടി തോമസ് ബെസ്റ്റ് സ്റ്റുഡന്റ് റൈറ്റേഴ്സ് അവാർഡിന് സ്കൂൾ, കോളെജ് വിദ്യാർഥികൾക്ക് എൻട്രികൾ ജൂൺ 10 വരെ അയയ്ക്കാം. 'ഇനിയും മരിക്കാത്ത ഭൂമി' എന്ന വിഷയത്തിൽ 300 വാക്കിൽ കവിയാത്ത ലേഖനമാണ് മത്സരത്തിന് അയക്കേണ്ടത്. ഹൈസ്കൂൾ, ഹയർ സെക്കൻഡറി, കോളെജ് തലങ്ങളിൽ വെവ്വേറെയാണു മത്സരം. Mediaveekshanam@gmail.com എന്ന ഇ മെയിൽ വിലാസത്തിൽ ഓൺ ലൈൻ ആയാണ് ലേഖനം സമർപ്പിക്കേണ്ടത്. പേര്, പാസ്പോർട്ട് സൈസിലുള്ള ഫോട്ടോ, സ്കൂൾ/കോളെജ് അധികൃതരുടെ സാക്ഷ്യപത്രം എന്നിവ സഹിതം ലേഖനം ലഭിക്കേണ്ട അവസാന തീയതി 2024 മേയ് 25. ഒരാൾക്ക് ഒരു എൻട്രിമാത്രം. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് ക്യാഷ് പ്രൈസിനു പുറമേ പ്രശസ്തിപത്രവും മൊമന്റോയും ലഭിക്കും.