എസ്എൻ ട്രസ്റ്റ് സെക്ര‌ട്ടറിയായി വെള്ളാപ്പള്ളി നടേശൻ ചുമതലയേറ്റു

കൊല്ലം: ശ്രീനാരായണ ട്രസ്റ്റ് സെക്രട്ടറിയായി വെള്ളാപ്പള്ളി നടേശൻ ചുമതല ഏറ്റെടുത്തു. ട്രസ്റ്റ് സെക്രട്ടറിയായി പത്താം തവണയാണ് അദ്ദേഹം തെരഞ്ഞെടുക്കപ്പെടുന്നത്. കൊല്ലം എസ്എൻ ട്രസ്റ്റ് ആസ്ഥാനത്തു നടന്ന ചടങ്ങിൽ ട്രസ്റ്റ് പ്രസിഡന്റ് ഡോ. എം.എം. സോമൻ, വൈസ് പ്രസിഡന്റ് തുഷാർ വെള്ളാപ്പള്ളി, ട്രഷറാർ ഡോ. ജയദേവൻ, കൊല്ലം യൂണിയൻ പ്രസിഡന്റ് മോഹൻ ശങ്കർ, സെക്രട്ടറി എൻ. രാജേന്ദ്രൻ, എക്സിക്യൂട്ടീവ് കമ്മിറ്റി അം​ഗം പി. സുന്ദരം, യോ​ഗം ദേവസ്വം സെക്രട്ടറി അരയക്കണ്ടി സന്തോഷ് തുടങ്ങിയവർ സന്നിഹിതരായിരുന്നു.
പുതുതായി തെരഞ്ഞെടുക്കപ്പെട്ട 117 ബോർഡ് അം​ഗങ്ങളും എസ്എൻഡിപി ശാഖാ യോ​ഗം പ്രസിഡന്റുമാരും സെക്രട്ടറിമാരും ചടങ്ങിനു സാക്ഷ്യം വഹിക്കാനെത്തി.