പാലക്കാട് വിക്ടോറിയ കോളേജിൽ
ആര്‍എല്‍വി രാമകൃഷ്ണന് വേദിയൊരുക്കി കെഎസ്‌യു

പാലക്കാട്: പാലക്കാട് വിക്ടോറിയ കോളജിൽ ഡോ. ആര്‍എല്‍വി രാമകൃഷ്ണന് വേദിയൊരുക്കി കെഎസ്‌യു. കോളജ് ഡേ സെലിബ്രേഷനില്‍ ആര്‍എല്‍വി മുഖ്യഥിതിയായി പങ്കെടുത്തു.

വർണ്ണ വിവേചനത്തിന് ഇരയായ ഡോ. ആര്‍എല്‍വി രാമകൃഷ്ണന് കെഎസ്‌യു ഭരിക്കുന്ന യൂണിയന്‍ ആണ് വേദിയൊരുക്കിയത്. കറുത്ത നിറമുള്ള ആളുകള്‍ മോഹിനിയാട്ടം കളിക്കരുതെന്നും കാക്കയുടെ നിറമുള്ള നര്‍ത്തകനെ പെറ്റ തള്ള പോലും സഹിക്കില്ലെന്നും നൃത്താധ്യാപിക സത്യഭാമ സമൂഹമാധ്യമത്തിലെ അഭിമുഖത്തില്‍ നടത്തിയ പരാമര്‍ശങ്ങള്‍ വിവാദമായിരുന്നു. ഇത് തനിക്കെതിരെയുള്ള അധിക്ഷേപങ്ങളാണെന്നു വെളിപ്പെടുത്തി കഴിഞ്ഞ ദിവസമാണു കലാഭവന്‍ മണിയുടെ സഹോദരന്‍ ആര്‍എല്‍വി രാമകൃഷ്ണന്‍ രംഗത്ത് വന്നത്.