'ഇളയ ദളപതി കേരളത്തിൽ'; 'ദി ഗോട്ടി'ന്റെ ചിത്രീകരണത്തിനായി വിജയ് തിരുവനന്തപുരത്ത്, വൻ സ്വീകരണം ഒരുക്കി ആരാധകർ

തിരുവനന്തപുരം: നടൻ വിജയ് കേരളത്തിൽ. വെങ്കട് പ്രഭു സംവിധാനം ചെയ്യുന്ന വിജയ് ചിത്രം 'ദി ഗോട്ടി'ന്റെ ചിത്രീകരണത്തിനായി എത്തിയ താരത്തെ തിരുവനന്തപുരം വിമാനത്താവളത്തിൽ പൊതിഞ്ഞത് ജനസാ​ഗരമാണ്. ആരാധകർക്കിടയിൽ നിന്നും നടന്നുവരുന്ന വിജയ്‍ ചിത്രം സോഷ്യൽ മീഡിയയിൽ വൈറലാണ്. തിരുവനന്തപുരം വിമാനത്താവളത്തിലും​ ​ഗ്രീൻ ഫീൽഡ് സ്റ്റേഡിയത്തിലുമാണ് ​ഗോട്ടിന്റെ ചിത്രീകരണം നടക്കുക.രാഷ്ട്രീയ പ്രവേശനത്തിന് ശേഷം വിജയ് ആദ്യമായാണ് കേരളത്തിൽ എത്തുന്നത് എന്ന പ്രത്യേകത കൂടി ഈ വരവിനുണ്ട്