പണം നൽകി വോട്ട്, രാജീവ് ചന്ദ്രശേഖറിനെതിരെ ശശി തരൂർ

തിരുവനന്തപുരത്തെ എൻഡിഎ സ്ഥാനാർത്ഥി രാജീവ് ചന്ദ്രശേഖറിനെതിരെ ​ഗുരുതര ആരോപണവുമായി ശശി തരൂർ. പണം നൽകി വോട്ട് തേടുകയാണ് രാജീവ് ചന്ദ്രശേഖറെന്ന് ശശി തരൂർ ആരോപിച്ചു. ഇക്കാര്യം പുറത്ത് പറയാൻ ആരും തയറാകുന്നില്ല, മത, സാമുദായിക നേതാക്കളുൾപ്പെടെ ഇക്കാര്യം രഹസ്യമായി വെളിപ്പെടുത്തിയെന്ന് ശശി തരൂർ പറഞ്ഞു.

തെളിവുകളുണ്ടെന്നും ഇക്കാര്യം പുറത്തുവിടാന്‍ പറ്റാത്തതിന്റെ കാരണം പണം ലഭിച്ചവര്‍ പരസ്യമായി തുറന്നുപറയാൻ തയ്യാറാകുന്നില്ലെന്നും ശശി തരൂര്‍ വ്യക്തമാക്കി. കഴിഞ്ഞത്തവണത്തേക്കാള്‍ നൂറിരട്ടി പണം മണ്ഡലത്തില്‍ ബിജെപി ചെലവാക്കുന്നുവെന്ന് അദ്ദേഹം പറഞ്ഞു. മലയാളി സ്വഭിമാനമുള്ളതുകൊണ്ട് പണം വാങ്ങി വോട്ട് ചെയ്യില്ലെന്ന് അദ്ദേഹം പറഞ്ഞു.