ഉത്സവം കഴിഞ്ഞു മടങ്ങവേ, ചരക്കുലോറി ഇടിച്ച് വയോധിക മരിച്ചു

കണ്ണൂർ: ചരക്കുലോറി ഇടിച്ചു വയോധിക മരിച്ചു. ചെറുതാഴം അതിയടം ഭാര്‍ഗവി (76) ആണ് മരണപ്പെട്ടത്. രാമപുരം ശ്രീ മഹാവിഷ്ണു ക്ഷേത്രത്തിലെ ഉത്സവം കഴിഞ്ഞു മടങ്ങവേയാണ് ഭാര്‍ഗവിയെ പഴയങ്ങാടി രാമപുരത്തു വച്ച്‌ റോഡു മുറിച്ചു കടക്കുന്നതിനിടെ ലോറി ഇടിച്ചത്.കര്‍ണാടകയിലെ ബെല്‍ഗാമില്‍നിന്നു പഞ്ചസാരയുമായി കൊച്ചിയിലേക്ക് പോവുകയായിരുന്നു ചരക്കു ലോറി. ലോറിയുടെ അടിയില്‍ കുടുങ്ങിയ വയോധികയെ പഴയങ്ങാടി, പരിയാരം പൊലീസ് എത്തിയാണു പുറത്തെടുത്തത്. പയ്യന്നൂരില്‍നിന്ന് അഗ്നിശമന സേനയുടെ റെസ്‌ക്യൂ ടീമും അപകട സ്ഥലത്ത് എത്തിയിരുന്നു.