സംസ്ഥാനത്ത്‌ വീണ്ടും കാട്ടുപന്നി ആക്രമണം

കോഴിക്കോട്: സംസ്ഥാനത്ത്‌ വീണ്ടും കാട്ടുപന്നി ആക്രമണം. മുക്കം നെല്ലിക്കാപ്പൊയിലില്‍ കല്ലുരുട്ടി കുടുക്കില്‍ ബിനുവിന്റെ ഭാര്യ മനീഷക്കാണ് (30) കാട്ടുപന്നിയുടെ ആക്രമണത്തില്‍ കാലില്‍ സാരമായി പരുക്കേറ്റത്. ഇന്നലെ വൈകീട്ട് അഞ്ചോടെയാണ് സംഭവം. വീടിന് സമീപത്ത് വിറക് ശേകരിച്ചുകൊണ്ടിരുന്ന മനീഷയുടെ നേരെ കാട്ടുപന്നി ഓടിയെത്തി കുത്തുകയായിരുന്നു. കുത്തിന്റെ ആഘാതത്തില്‍ മനീഷ താഴ്ചയിലേക്ക് വീണു. ഈ വീഴ്ചയിലാണ് കാലിന് സാരമായി പരുക്കേറ്റത്. വലതു കാലില്‍ മൂന്നിടത്ത് പൊട്ടലേറ്റ മനീഷയെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു.