എംഎ മുഹമ്മദ് ജമാൽ സാഹിബ് വിയോഗത്തിൽ അനുശോചിച്ച് വയനാട് മുസ്ലിം യതീംഖാന വെൽഫെയർ കമ്മറ്റി കുവൈറ്റ്.
കുവൈറ്റ് സിറ്റി: വയനാട് മുസ്ലിം യതീം ഖാന ജനറൽ സെക്രട്ടറിയും മുസ്ലിം ലീഗ് നേതാവുമായിരുന്ന മർഹൂം എം എ മുഹമ്മദ് ജമാൽ സാഹിബിന്റെ വിയോഗത്തിൽ വയനാട് മുസ്ലിം യതീംഖാന വെൽഫെയർ കമ്മറ്റി കുവൈറ്റ് ( ഡബ്ല്യൂ എംഓ) അനുശോചന യോഗവുംപ്രാർത്ഥനാ സദസ്സും സംഘടിപ്പിച്ചു.
അനാഥകളെയും അഗതികളെയും കാരുണ്യം കൊണ്ടും, സ്നേഹം കൊണ്ടും തലോടി സ്ത്രീധന രഹിത സമൂഹ വിവാഹം പോലുള്ളവ്യത്യസ്ഥതയാർന്ന ജീവകാരുണ്യ പ്രവർത്തനം കൊണ്ട് വയനാട്ടിലെ ജനങ്ങൾക്കിടയിൽശ്രദ്ധേയമായ സ്വാധീനം ചെലുത്തിയ മനുഷ്യ സ്നേഹിയാ യിരുന്നു മർഹും എം എ മുഹമ്മദ് ജമാൽ സാഹിബ്. വയനാട്ടുകാർകക് പ്രത്യേകിച്ച് തീർത്താൽ തീരാത്ത നഷ്ടമാണ് ജമാൽ സാഹിബിന്റെ വേർപാട് എന്ന് പ്രാസംഗികർ ചൂണ്ടിക്കാട്ടി. ഫാഹഹീൽ മെട്രോ മെഡിക്കൽ കെയർ ഓഡിറ്റോറിയത്തിൽ വെച്ച് നടന്ന ചടങ്ങിൽ അക്ബർവയനാട് അദ്ധ്യക്ഷത വഹിച്ചു. മെട്രോ മെഡിക്കൽ കെയർ ചെയർമാൻ ഹംസ്സ പയ്യന്നൂർ അനുസ്മരണ പ്രഭാഷണം നടത്തി. മുഹമ്മദ് അനസ്, റഫീഖ് ചാപ്പയിൽ, റിയാസ് കമ്പളക്കാട് തുടങ്ങിയവരും അദ്ദേഹത്തെ അനുസ്മരിച്ച് സംസാരിച്ചു. ഇബ്രാഹിംബത്തേരി പ്രാർത്ഥനക്ക് നേതൃത്വം നൽകി. സഹീർ ചെമ്പാട് സ്വാഗതവും ഉബൈദ് പുറക്കാട്ടിരി നന്ദിയും പറഞ്ഞു.
