നാളെ പാലക്കാടും എറണാകുളത്തും, മറ്റെന്നാൾ സെക്രട്ടറിയേറ്റിലേക്കും യൂത്ത്കോൺഗ്രസ് മാർച്ചുകൾ; 6ന് കെപിസിസി മാർച്ച്‌

കൊച്ചി: പൊലീസിനും ആഭ്യന്തരവകുപ്പിനും മുഖ്യമന്ത്രിയുടെ ഓഫീസിനും എതിരായ ഗുരുതര വെളിപ്പെടുത്തലുകൾക്ക് പിന്നാലെ കോൺഗ്രസ് പ്രതിഷേധം കടുപ്പിക്കുന്നു. മുഖ്യമന്ത്രിയുടെ രാജി ആവശ്യപ്പെട്ട് വരുന്ന ദിവസങ്ങളിൽ സമരപരമ്പരകൾക്ക് സംസ്ഥാനം സാക്ഷ്യം വഹിക്കും. നാളെ യൂത്ത് കോൺഗ്രസ് പാലക്കാട്, എറണാകുളം ജില്ലാ കമ്മിറ്റികളുടെ നേതൃത്വത്തിൽ പ്രതിഷേധം മാർച്ചുകൾ നടക്കും. മറ്റേന്നാൾ യൂത്ത്കോൺഗ്രസ് സംസ്ഥാന കമ്മിറ്റിയുടെ നേതൃത്വത്തിൽ സെക്രട്ടറിയേറ്റ് മാർച്ച് നടത്തും. തൊട്ടടുത്ത(അഞ്ചിന്) ദിവസം കെപിസിസിയുടെ നേതൃത്വത്തിൽ കോൺഗ്രസ് ബഹുജന മാർച്ച് സംഘടിപ്പിക്കും.