യൂത്ത് കോണ്‍ഗ്രസ് സംസ്ഥാന സെക്രട്ടറിയുടെ സഹോദരന്‍ ബൈക്കപകടത്തില്‍ മരിച്ചു

ഹരിപ്പാട്: യൂത്ത് കോണ്‍ഗ്രസ് സംസ്ഥാന സെക്രട്ടറിയുടെ സഹോദരന്‍ ബൈക്കപകടത്തില്‍ മരിച്ചു. യൂത്ത് കോണ്‍ഗ്രസ് സംസ്ഥാന സെക്രട്ടറി കെ.എസ്. ഹരികൃഷ്ണന്റ സഹോദരന്‍ ഉണ്ണികൃഷ്ണനാണ് (29) മരിച്ചത്.ഞായറാഴ്ച രാത്രി 11 മണിയോടെ പള്ളിപ്പാട് വലിയവീട് ജംഗ്ഷന് സമീപമായിരുന്നു അപകടം.ഉണ്ണികൃഷ്ണന്‍ സഞ്ചരിച്ച ബൈക്ക് നിയന്ത്രണം തെറ്റി മരത്തില്‍ ഇടിക്കുകയായിരുന്നു. ഏറെ നേരം വഴിയരികില്‍ കിടന്നതിനെ തുടര്‍ന്ന് രക്തം വാര്‍ന്നാണ് മരിച്ചത്. ശനിയാഴ്ചയാണ് ഉണ്ണികൃഷ്ണന്‍ ഗള്‍ഫില്‍ നിന്നും ലീവിന് നാട്ടിലെത്തിയത്. ഹരിപ്പാട് പള്ളിപ്പാട് നടുവട്ടം ഹരി ഭവനത്തില്‍ സോമശേഖരപിള്ള-ഗീത ദമ്പതികളുടെ മകനാണ് കെ.എസ്. ഉണ്ണികൃഷ്ണന്‍. ഭാര്യ: ഐശ്വര്യ.