ദേശീയ പാതയിൽ വാൻ സ്കൂട്ടറിൽ ഇടിച്ച് യുവാവ് മരിച്ചു

അമ്പലപ്പുഴ: ദേശീയ പാതയിൽ പുന്നപ്ര ഭാഗത്ത് ഡെലിവറി വാൻ സ്കൂട്ടറിൽ ഇടിച്ച് യുവാവ് മരിച്ചു. അമ്പലപ്പുഴ കുമാര നിവാസിൽ കൃഷ്ണചന്ദ്രൻ ആണ് മരിച്ചത്. ഇന്ന് രാവിലെ 6 മണിയോടെ പുന്നപ്ര കളിത്തട്ട് ജംഗ്ഷന് സമീപം ആയിരുന്നു അപകടം. കൃഷ്ണചന്ദ്രൻ ഓടിച്ചിരുന്ന സ്കൂട്ടറിൽ ഡെലിവറി വാൻ ഇടിക്കുകയായിരുന്നു എന്നു ദൃക്സാക്ഷികൾ. യുവാവ് സംഭവ സ്ഥലത്തു വെച്ചു തന്നെ മരിച്ചു. മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിൽ.