യൂത്ത് ഇന്ത്യ കുവൈത്ത് ന് പുതിയ ഭാരവാഹികൾ !
കുവൈത്ത് സിറ്റി : യൂത്ത് ഇന്ത്യ കുവൈത്ത് 2024-25 പ്രവർത്തന വർഷത്തേക്കുള്ള ഭാരവാഹികളെ തിരഞ്ഞെടുത്തു. ഐഡിയൽ ഓഡിറ്റോറിയത്തിൽ നടന്ന തിരഞ്ഞെടുപ്പ് യൂത്ത് ഇന്ത്യ രക്ഷാധികാരിയും കെ ഐ ജി പ്രെസിഡന്റുമായ പി ടി ശരീഫ്, കെ ഐ ജി ജനറൽ സെക്രട്ടറി ഫിറോസ് ഹമീദ് എന്നിവർ നിയന്ത്രിച്ചു.
പ്രസിഡന്റായി സിജിൽ ഖാൻ, ജനറൽ സെക്രെട്ടറിയായി ഹസീബ് പി, ട്രഷററായി അഖീൽ ഇസ്ഹാഖ് എന്നിവരെയാണ് തിരഞ്ഞെടുത്തത്. മുഹമ്മദ് സൽമാൻ, ഉസാമ അബ്ദുൽ റസാഖ് എന്നിവരെ വൈസ് പ്രെസിഡന്റുമാരായും ജവാദ് അമീർ, അഷ്ഫാഖ് അഹമ്മദ് എന്നിവരെ സെക്രട്ടറിമാരായും തിരഞ്ഞെടുത്തിട്ടുണ്ട്.
വിവിധ യൂണിറ്റിൽ നിന്നും തിരഞ്ഞെടുത്ത പ്രതിനിധി സഭ അംഗങ്ങൾ സമ്മേളിച്ച് കേന്ദ്ര കമ്മിറ്റിയെ തിരഞ്ഞെടുക്കുകയും, തുടർന്ന് കേന്ദ്ര കമ്മിറ്റി ചേർന്ന് ഭാരവാഹികളെ തിരഞ്ഞെടുക്കുകയുമായിരുന്നു.മഹനാസ് മുസ്‌തഫ, ബാസിൽ സലിം, ജുമാൻ വാഴക്കാട്, മുഹമ്മദ് യാസിർ, മുഖ്സിത് ടി, റമീസ് എം പി, സിറാജ് അബൂബക്കർ എന്നിവരാണ് മറ്റു കേന്ദ്ര കമ്മിറ്റി അംഗങ്ങൾ.