ചാലിയാർ പുഴയിൽ 17 വയസുകാരിയുടെ മൃതദേഹം കണ്ടെത്തിയ സംഭവം : കരാട്ടെ മാസ്റ്റർ അറസ്റ്റിൽ

കോഴിക്കോട് : ചാലിയാറിൽ 17 വയസുകാരിയുടെ മൃതദേഹം കണ്ടെത്തിയ സംഭവത്തിൽ കരാട്ടെ മാസ്റ്റർ സിദ്ധീഖ് അലിയെ അറസ്റ്റ് ചെയ്‌തതായി റിപ്പോർട്ട്. കരാട്ടെ മാസ്റ്റർ പെൺകുട്ടിയെ പീഡനത്തിന് ഇരയാക്കിയിരുന്നതായും ഇക്കാരണത്താൽ തന്നെ പെൺകുട്ടി കടുത്ത മാനസിക സമ്മർദ്ദത്തിലായിരുന്നുവെന്നും ബന്ധുക്കൾ പറയുന്നു. അതേസമയം ഊർക്കടവിലെ കരാട്ടെ അധ്യാപകന് എതിരെ നിരവധി പരാധികളുണ്ടെന്ന് സഹോദരിയും നാട്ടുകാരും ആരോപിച്ചു . കരാട്ടെ അധ്യാപകൻ സിദ്ധീഖ് അലി ഇതിനു മുൻപും പോക്‌സോ കേസിലും പ്രതി ആയിരുന്നു . തിങ്കളാഴ്ച വൈകിട്ടാണ് പെൺകുട്ടിയെ വീട്ടിൽ നിന്ന് കാണാതായത്. പിന്നീട് കുട്ടിയുടെ മൃതദേഹം 100 മീറ്റർ അകലെ ചാലിയാറിൽ കണ്ടെത്തുകയായിരുന്നു.