പുത്തൻ പ്രതീക്ഷകളോടെ 2025 ; ആഘോഷത്തിമിർപ്പിൽ ലോകം
പുത്തൻ പുതുപ്പുലരി കണികണ്ടുണരുകയാണ് ലോകം. പ്രതീക്ഷകളോടെ ആഘോഷപൂർവ്വം 2025 നെ ലോകം സ്വാഗതം ചെയ്തു. പുതുവത്സരദിനം കേവലം ഒരു തീയതിയല്ല. പുതിയ പ്രതീക്ഷകളെ വരവേല്‍ക്കാനുള്ള ആഘോഷത്തിന്റെ സുദിനമാണ്. ജാതിമതവര്‍ഗ ഭേദമെന്യേ എല്ലാവരും പുതുവർഷത്തിന്റെ പ്രത്യേകത. അതുതന്നെയാണ് ആ ദിവസത്തിന്റെ മഹത്തായ സന്ദേശവും. ഒറ്റക്കെട്ടായി നിന്ന് നാളെയെ പ്രകാശപൂരിതമാക്കാനുള്ള ഊര്‍ജവും പ്രചോദനവും 2025 നല്‍കട്ടെയെന്നാണ് മുഖ്യമന്ത്രി ആശംസിച്ചു.
2024-ന് തിരശ്ശീല വീഴുകയാണ്, 2025-ലേക്ക് കടക്കുകയാണ്. സുഖദുഃഖ സമ്മിശ്രമായിരുന്നു കഴിഞ്ഞ വർഷം. എല്ലാ പ്രതിസന്ധികളെയും പ്രതിബന്ധങ്ങളെയും മറികടന്ന് മുന്നോട്ട് പോകാനുള്ള ആത്മവിശ്വാസമാണ് നമുക്ക് വേണ്ടത്. 2025 പ്രതീക്ഷകള്‍ നിറയുന്ന ഒരു വര്‍ഷമാണ്. ഈ വര്‍ഷത്തില്‍ ഒരുപാട് നന്മകള്‍ ചെയ്യാന്‍, ചുറ്റിലുമുള്ള പാര്‍ശ്വവത്കരിക്കപ്പെട്ട ജനങ്ങളെ ചേര്‍ത്തുനിര്‍ത്താന്‍, ഒരുപാട് നന്മചെയ്യാന്‍ സാധിക്കുന്ന ഒരു വര്‍ഷമായിരിക്കട്ടെയെന്ന് പ്രതിപക്ഷനേതാവ് വി ഡി സതീശൻ ആശംസിച്ചു.
കൂടാതെ രാഷ്ട്രീയ - സാമൂഹിക- സിനിമ രംഗത്തെ പ്രമുഖർ ന്യൂയർ ആശംസകൾ നേർന്നു. ഇന്ത്യന്‍ സമയം ഉച്ചതിരിഞ്ഞ് 3.30-ന് പസഫിക് സമുദ്രത്തിലെ റിപ്പബ്ലിക് ഓഫ് കിരിബാത്തി ഐലന്റിലായിരുന്നു ലോകത്ത് ആദ്യം പുതുവർഷം പിറന്നത്. അവസാനം പുതുവര്‍ഷമെത്തുക അമേരിക്കയുടെ ബേക്കര്‍ ദ്വീപിലും ഹൗലാന്‍ഡ് ദ്വീപിലും ആയിരിക്കും, എന്നാല്‍ ഇവിടങ്ങളിൽ മനുഷ്യവാസമില്ല. ലണ്ടനില്‍ ജനുവരി ഒന്ന് പകല്‍ 11 മണിയാകുമ്പോഴാണ് ഈ ദ്വീപുകളില്‍ പുതുവര്‍ഷം എത്തുക. അങ്ങനെ ലോകം പുതുവർഷത്തെ വരവേൽക്കുകയാണ്.