അബ്ബാസിയ തീപ്പിടുത്തം കുവൈത്ത് കെഎംസിസി അനുശോചനം രേഖപെടുത്തി

കുവൈറ്റ് സിറ്റി : അബ്ബാസിയയിൽ ഇന്നലെ ഉണ്ടായ തീപിടുത്തത്തിൽ ഒരു കുടുംബത്തിലെ നാല് പേർ മരണപെട്ട ദാരുണ സംഭവത്തിൽ കുവൈത്ത് കെഎംസിസി സംസ്ഥാന കമ്മിറ്റി അനുശോചനം രേഖപെടുത്തി. മാത്യു മുളയ്ക്കൽ ഭാര്യ ലിനി എബ്രഹാം, മക്കളായ ഐറിൻ, ഐസക് എന്നിവരാണ് അപകടത്തിൽ മരണപ്പെട്ടത്. കുവൈത്തിലെ കഠിനമായ ചൂടും അസ്ഥിരമായ കാലാവസ്ഥയും തുടരുന്നത് കൊണ്ട് കൂടുതൽ ശ്രദ്ധയും കരുതലും പ്രവാസി സമൂഹത്തിന്റെ ഭാഗത്ത് നിന്നുണ്ടാവണം എന്നും സംസ്ഥാന ഭാരവാഹികൾ പത്രകുറിപ്പിൽ അഭ്യര്ഥിച്ചു.