കണ്ണൂർ ആർഎസ്എസിൽ നൂറോളം പേർ പാർട്ടി വിടാനൊരുങ്ങുന്നു

തലശ്ശേരി: കണ്ണൂർ ആർഎസ്എസിൽ നൂറോളം പേർ ആർഎസ്എസ് വിടാൻ ഒരുങ്ങുന്നു. ഇരിട്ടി കീഴൂരിലെ സംഘം ഉടമസ്ഥതയിലുള്ള ഒൻപതര സെന്റ് സ്ഥലം വിൽപ്പനയിൽ ലക്ഷങ്ങളുടെ ക്രമക്കേട് ഉണ്ടെന്ന ആരോപണം ഉയരുന്നുണ്ട്.

20 ലക്ഷം രൂപ വിലമതിക്കുന്ന സ്ഥലത്തിന് അഞ്ചുലക്ഷമേ കണക്കിൽ കാണിച്ചിട്ടുള്ളൂവെന്നാണ് ആരോപണം. സംസ്ഥാന പ്രാന്ത കാര്യവാഹകിൻ്റെ വീടിനു മുന്നിലും വിഭാഗ് കാര്യാലയത്തിന് മുന്നിലും പ്രതിഷേധ പോസ്റ്ററുകൾ ഉയർന്നു. പ്രാന്ത കാര്യവാഹകിന് 100 പേർ ഒപ്പിട്ട് പരാതി നൽകി. ഇതിൽ അന്വേഷണം വൈകുന്നതിൽ പ്രതിഷേധിച്ചാണ് നിരവധിപേർ ആർഎസ്എസ് വിടാൻ ഒരുങ്ങുന്നത്.