മിഷൻ തണ്ണീർക്കൊമ്പൻ; മാനന്തവാടിയിൽ ഭീതിപരത്തിയ ആനയെ വെടിവച്ചു

മാനന്തവാടി: ഇന്ന് രാവിലെ മുതൽ മാനന്തവാടി ടൗണിലും പരിസരപ്രദേശങ്ങളിലും ഇറങ്ങി ഭീതി പരത്തിയ കൊമ്പനെ മയക്കുവെടി വച്ചു. രണ്ടാമത്തെ മയക്കുവെടിയാണ് ആനയ്‌ക്കേറ്റത്. കുങ്കിയാനകളെ കൊമ്പനുസമീപത്തേക്ക് എത്തിക്കാൻ ദൗത്യസംഘത്തിന്റെ പരിശ്രമം തുടരുകയാണ്.ഫോറസ്‌റ്റ് വെറ്ററിനറി സർജൻ അജീഷ് മോഹൻദാസിന്റെ നേതൃത്വത്തിലാണ് ദൗത്യം പുരോഗമിച്ചുകൊണ്ടിരിക്കുന്നത്.

മാനന്തവാടി ടൗണിലും പരിസരപ്രദേശത്തും നിരോധനാജ്‌ഞ പ്രഖ്യാപിച്ചിട്ടുണ്ട്. കർണാടക ഹാസനിൽ പിടികൂടി വിട്ടയച്ച തണ്ണീർ എന്ന ആനയാണ് മാനന്തവാടിയിലിറങ്ങിയത്. റേഡിയോ കോളർ ഘടിപ്പിച്ച് കാടുകയറ്റിയത് ജനുവരി 16നാണ്. മയക്കുവെടി വെച്ച ശേഷം അനയെ ബന്ദിപ്പൂർ വനമേഖലയിൽ തുറന്നു വിടും.