മദ്യപാനത്തിനിടയിലെ തർക്കം: ജ്യേഷ്ഠൻ അനുജനെ വെടിവച്ചു കൊന്നു

കാസർക്കോട്: മധ്യ ലഹരിയിൽ ജ്യേഷ്ഠൻ അനുജനെ വെടിവച്ചു കൊന്നു . കുറ്റിക്കോല്‍ നൂഞ്ഞങ്ങാനത്താണ് സംഭവം. അശോകൻ (45) ആണ് മരിച്ചത്. ജ്യേഷ്ഠൻ ബാലകൃഷ്ണന്റെ ബേഡകം പൊലീസ് കസ്റ്റഡിയില്‍ എടുത്തു. ഇന്നലെ രാത്രി മദ്യാപാനത്തെ തുടർന്നുണ്ടായ തർക്കത്തിനിടെ നാടൻ തോക്ക് ഉപയോഗിച്ച്‌ ബാലകൃഷ്ണൻ വെടിയുതിർക്കുകയായിരുന്നു.
തുടയ്ക്കു മുകളിൽ വെടിയേറ്റ അശോകൻ തുടർന്ന് മരിക്കുകയായിരുന്നു. സമാനമായ രീതിയിൽ തർക്കങ്ങൾ മുൻപും ഉണ്ടായിരുന്നുവെന്ന് പൊലീസ് പറഞ്ഞു. അശോകന്റെ മൃതദേഹം കാസർകോട് ജനറൽ ആശുപത്രി മോർച്ചറിയിലേക്കു മാറ്റി.