ഏഷ്യൻസ് ഇലവൻ ക്രിക്കറ്റ് ക്ലബ്ബ് ജേഴ്‌സി പ്രകാശനം ചെയ്‌തു

കുവൈറ്റ് സിറ്റി : ഏഷ്യൻ ഇലവൻ ക്രിക്കറ്റ് ക്ലബ്ബ് പുതിയ സീസണിലെക്കുള്ള ജേഴ്‌സി പ്രകാശനം ചെയ്‌തു. സാൽമിയ ഐഐസി സെൻട്രൽ ഹാളിൽ നടന്ന ചടങ്ങിൽ രതീഷ് വർക്കല സ്വാഗതം ആശംസിച്ചു. സ്‌പോർസോർമരായ ജെ.ഡി ഡാനിയൽ (റോയൽ ടെക്‌നിക് കമ്പനി ), അബ്ദുൾ റസാഖ് നിത്തെ എന്നിവർ ചേർന്ന് ടീം ക്യാപ്റ്റൻ ഷിച്ചു ശ്രീധരനു ജേഴ്‌സി കൈമാറികൊണ്ട് ഉത്ഘാടനം നിർവ്വഹിച്ചു. ബിജു സ്റ്റീഫൻ (ലീഗൽ സെൽ കുവൈറ്റ് പ്രസിഡൻന്റ്), താഹ, ഇർഫാദ്, ശ്രീജിത്ത് സുഭാഷ് , എമിൽ, സുജിത്ത് സുഭാഷ് എന്നിവർ ആശംസകൾ അറിയിച്ചു കൊണ്ട് സംസാരിച്ചു. സീസണിലെ മികച്ച കളിക്കാർക്കുള്ള ടീം സ്പോൺസർ ഫാൽക്കൻ പ്ലസിന്റെ അവാർഡുകൾ അബ്ദുള്ള മാമൂ , നളിൻ , ദിനേഷ് , മുനീർ , താഹ എന്നിവർക്ക് നൽകി ആദരിച്ചു. വൈസ് ക്യാപ്റ്റൻ മുഹമ്മദ്‌ യാസീൻ യോഗത്തിന് നന്ദി പ്രകാശിപ്പിച്ചു.