എയർ ഇന്ത്യ പൈലറ്റ് ഫ്ലാറ്റില്‍ ആത്മഹത്യ ചെയ്ത സംഭവത്തില്‍, ആണ്‍സുഹൃത്ത് അറസ്റ്റില്‍

മുംബൈ : എയർ ഇന്ത്യ പൈലറ്റ് ഫ്ലാറ്റില്‍ ആത്മഹത്യ ചെയ്ത സംഭവത്തില്‍ ആണ്‍സുഹൃത്ത് അറസ്റ്റില്‍. സൃഷ്ടി തുലി (25) ആണ് മരിച്ചത്.സംഭവത്തില്‍ സുഹൃത്ത് ആദിത്യ പണ്ഡിറ്റ് (27) ആണ് അറസ്റ്റിലായത്. ഇയാള്‍ക്കെതിരെ ആത്മഹത്യാ പ്രേരണാക്കുറ്റം ചുമത്തി. തിങ്കളാഴ്ചയാണ് യുവതി ജീവനൊടുക്കിയത്.

ആദിത്യയുടെ മോശം പെരുമാറ്റം കാരണമാണ് സൃഷ്ടി ആത്മഹത്യ ചെയ്തതെന്ന് ബന്ധുക്കള്‍ ആരോപിച്ചു. ആദിത്യ തുലിയെ പരസ്യമായി അധിക്ഷേപിക്കുകയും മാംസാഹാരം ഒഴിവാക്കുന്നതടക്കം ഭക്ഷണ ശീലം മാറ്റാൻ നിർബന്ധിക്കുകയും ചെയ്തിരുന്നതായി അമ്മാവൻ പൊലീസിനോട് പറഞ്ഞു.
തിങ്കളാഴ്ച രാവിലെ പണ്ഡിറ്റ് ഡല്‍ഹിയിലേക്ക് പോകുമ്ബോള്‍ താൻ ജീവനൊടുക്കാൻ പോവുകയാണെന്ന് തുലി ഫോണില്‍ വിളിച്ച്‌ അറിയിക്കുകയായിരുന്നു. ഉടൻ തന്നെ മുംബൈയിലേക്ക് തിരിച്ചെത്തി ഫ്ലാറ്റില്‍ നോക്കിയപ്പോള്‍ അത് അകത്തുനിന്ന് ലോക്ക് ചെയ്തിരിക്കുകയായിരുന്നു. മറ്റൊരു ചാവി സംഘടിപ്പിച്ച്‌ റൂം തുറന്നപ്പോള്‍ തുലി കേബിള്‍ വയറില്‍ തൂങ്ങിമരിച്ച നിലയിലായിരുന്നു.