തിരക്ക് കൂടുന്നു: എരുമേലിയില് തീര്ഥാടകരും പൊലീസും തമ്മില് തര്ക്കം
എരുമേലി: തിരക്ക് വര്ധിച്ചതിനെ തുടര്ന്ന് എരുമേലിയില് തീര്ഥാടകരും പൊലീസും തമ്മില് തര്ക്കം. രാവിലെ മുതല് ശബരിമലയ്ക്കുള്ള തീര്ഥാടക വാഹനങ്ങള് പാര്ക്കിങ് മൈതാനങ്ങളില് പൊലീസ് തടഞ്ഞിരുന്നു. ഇതിനിടെ കേരള രജിസ്ട്രേഷനുള്ള ശബരിമല വാഹനങ്ങള് പോകാന് അനുവദിച്ചെന്നു പറഞ്ഞ് ഇതര സംസ്ഥാനങ്ങളില് നിന്ന് എത്തിയ തീര്ഥാടകര് കേരള രജിസ്ട്രേഷന് വാഹനങ്ങള് തടയുകയായിരുന്നു.
നിലയ്ക്കലില് തിരക്ക് വര്ധിച്ചതിനെ തുടര്ന്ന് നിയന്ത്രണം ഏര്പ്പെടുത്താന് നിര്ദേശം വന്നതിനെ തുടര്ന്നാണ് എരുമേലിയില് തീര്ഥാടക വാഹനങ്ങള് തടഞ്ഞത്. അതിനിടെ, വാഹനങ്ങള് തടഞ്ഞ പൊലീസ് നടപടിയെ ചോദ്യം ചെയ്ത ദേവസ്വം ബോര്ഡ് അംഗം അജികുമാറിന്റെ നടപടിക്കെതിരെ പത്തനംതിട്ട എസ്പി രംഗത്തെത്തി. സംഭവത്തില് ദേവസ്വം ബോര്ഡ് പ്രസിഡന്റിനെ എസ്പി പ്രതിഷേധം അറിയിച്ചു.അതേസമയം, ശബരിമല പാതയില് തിരക്ക് തുടരുകയാണ്. മറ്റു വാഹനങ്ങള് റോഡിന് ഒരു വശത്തുകൂടി കടന്നു പോകുന്നുണ്ട്
Online Desk
View all postsneethu.reporter@veekshanam.com
