ചാഴികാടന്റെ തോല്‍വി; ഇടത് മുന്നണിയില്‍ മാണി ​ഗ്രൂപ്പ് ദുര്‍ബലരാകും

കോട്ടയം: കേരള കോണ്‍ഗ്രസുകാര്‍ ഏറ്റുമുട്ടിയ കോട്ടയം മണ്ഡലം ജോസഫ് വിഭാഗത്തിലെ ഫ്രാന്‍സിസ് ജോര്‍ജിന് ഒപ്പം നില്‍ക്കുകയായിരുന്നു. കോട്ടയത്തിന്റെ കോട്ട കാക്കാൻ ഫ്രാൻസിസ് ജോർജിന് സാധിച്ചുവെന്നത് ഫലങ്ങളിൽ നിന്ന് വ്യക്തമാണ്.

ഈ തോല്‍വി ജോസ് കെ മാണി വിഭാഗത്തിന്റെ വിലപേശല്‍ ശക്തി കുറയ്ക്കും. മുന്നണി മാറ്റത്തില്‍ ജോസ് കെ മാണിയെ സംബന്ധിച്ച്‌ ഇത് തിരിച്ചടിയാണ്.മാണി വിഭാഗത്തിന്റെ തട്ടകമായ കോട്ടയത്ത് ഏറ്റ തോല്‍വി മുന്നണിക്കുള്ളില്‍ പാര്‍ട്ടിയുടെ ശക്തിയും കുറയ്ക്കും. എംപി എന്ന നിലയില്‍ മികച്ച പ്രകടനം നടത്തിയ തോമസ് ചാഴികാടന് പക്ഷേ ഒരു ഘട്ടത്തിലും മുന്നിലേക്ക് എത്താൻ സാധിച്ചില്ല.