നീതി കിട്ടുമോയെന്ന് സംശയം ; സിദ്ധാർത്ഥന്റെ അച്ഛൻ ജയപ്രകാശ്

പൂക്കോട് വെറ്റിനറി കോളേജിലെ സിദ്ധാർത്ഥന്റെ മരണത്തിൽ നീതി കിട്ടുമോയെന്ന് സംശയിക്കുന്നതായി സിദ്ധാർത്ഥന്റെ അച്ഛൻ ജയപ്രകാശ്.
തെളിവുകൾ തേച്ചുമാച്ചുകളയാൻ ശ്രമംനടക്കുന്നു. സസ്പെൻഷനിലായിരുന്ന വിദ്യാർത്ഥികളെ തിരിച്ചെടുത്തത് ഇതിന്റെ ഭാഗമായാണ്.
സിബിഐ അന്വേഷണം ഏറ്റെടുത്തിട്ടില്ല. സിബിഐ അന്വേഷണം ഏറ്റെടുക്കുമെന്ന് പറഞ്ഞപ്പോൾ സംസ്ഥാന പോലീസ് വിഭാഗം അന്വേഷണം അവസാനിപ്പിച്ച മട്ടാണ്. മാത്രമല്ല അന്വേഷണത്തിൽ അവ്യക്തത തുടരുകയാണെന്നും സിദ്ധാർത്ഥിന്റെ അച്ഛൻ പറഞ്ഞു.