പാലക്കാട് വർഗ്ഗവഞ്ചകരും വർഗീയ വാദികളും ചേർന്ന സി ജെ പി എന്ന കുറുമുന്നണി പരാജയപ്പെടും . റിയാദ് ഒഐസിസി പാലക്കാട് ജില്ലാ തെരെഞ്ഞെടുപ്പ് കൺവെൻഷൻ.

റിയാദ് : ഉപതിരഞ്ഞെടുപ്പ് ആവേശം വാനോളംമുയർത്തി പാലക്കാട് ജില്ലാ കമ്മറ്റി തെരെഞ്ഞെടുപ്പ് കൺവെൻഷൻ സംഘടിപ്പിച്ചു. റിയാദ് സബർമതി ഓഫീസിൽ ചേർന്ന കൺവെൻഷൻ ഒഐസിസി പാലക്കാട്‌ ജില്ലാ പ്രസിഡന്റ്‌ ഷിഹാബ് കരിമ്പാറ അധ്യക്ഷത വഹിച്ചു.

കൺവെൻഷൻ റിയാദ് ഒഐസിസി സെൻട്രൽ കമ്മറ്റി പ്രസിഡന്റ്‌ അബ്ദുള്ള വല്ലാഞ്ചിറ ഉദ്‌ഘാടനം ചെയ്തു. 2021ൽ ബി ജെ പി ക്ക് കിട്ടാവുന്നതിൽ മികച്ച സ്ഥാനാർഥി മത്സരിച്ചിട്ടും യു ഡി എഫിന് വിജയിക്കാൻ കഴിഞ്ഞത് പാലക്കാട്ടെ ജനത മതേതര സങ്കൽപ്പങ്ങളോട് ചേർന്ന് നിന്നത് കൊണ്ടാണ്. ലോകസഭാ തെരെഞ്ഞെടുപ്പിൽ പാലക്കാട് നിയമസഭ മണ്ഡലത്തിൽ മികച്ച ഭൂരിപക്ഷം യു ഡി എഫിന് നേടുവാൻ സാധിച്ചിട്ടുണ്ടെന്നും പാലക്കാട് യു ഡി എഫ് നു വിജയം സുനിശ്ചിതമാണെന്നും അദ്ദേഹം പറഞ്ഞു.

തെരഞ്ഞെടുപ്പിൽ ചർച്ച ചെയ്യേണ്ട പല വിഷയങ്ങളും പ്രേത്യേക അജണ്ടകളുടെ മറവിൽ ചർച്ച ചെയ്യാതെ പോകുന്ന സാഹചര്യം നിലവിൽ പാലക്കാടുണ്ട്.വികസനവും, സാധാരണക്കാരെ ബാധിക്കുന്ന മറ്റു കാര്യങ്ങളും ബി ജെ പി ഭരണകൂടം മുന്നോട്ട് വെക്കുന്ന വിഭജന രാഷ്ട്രീയവുമാണ് ചർച്ചക്ക് വിധേയമാക്കേണ്ടത്. ഭാവി കേരളത്തിൽ ഉണ്ടാവാൻ പോകുന്ന ഒരു രാഷ്ട്രീയ നീക്കുപോക്കിന്റെ പരീക്ഷണശലയായി പാലക്കാട്‌ മാറുന്ന സാഹചര്യവും നിലവിലുണ്ട്. കോൺഗ്രസിനെ എതിർക്കുവാൻ ബിജെപി യും സിപിഎമ്മും ഉണ്ടാക്കാൻ പോകുന്ന അവിശുദ്ധ ബന്ധത്തിന്റെ സൂചനകൾ പാലക്കാട് നൽകുന്നുണ്ട്.വികസന കാര്യത്തിൽ ഷാഫി പറമ്പിലിന്റെ കാലം ചരിത്രത്തിൽ അടയാളപ്പെട്ടു കിടക്കുന്നുണ്ട്. രാഹുൽ മാങ്കൂട്ടത്തിൽ പാലക്കാടിന് കിട്ടാവുന്നതിൽ മികച്ച സ്ഥാനാർഥിയാണ്,യു ഡി എഫ് തെരഞ്ഞെടുപ്പിന് നല്ല മുന്നൊരുക്കം നടത്തിയത് വലിയ ആത്മവിശ്വാസമാണ് നൽകുന്നതെന്നും മുഖ്യ പ്രഭാഷണം നടത്തിയ കെഎംസിസി സെൻട്രൽ കമ്മിറ്റി ഓർഗനൈസിങ് സെക്രട്ടറി സത്താർ താമരത്ത്‌ അഭിപ്രായപ്പെട്ടു.

ഒഐസിസി പാലക്കാട് ജില്ലാ കമ്മറ്റി " വോട്ട് ഫോർ രാഹുൽ - കോളിങ് ബൂത്ത് " ഇന്നാരംഭിക്കും. മെമ്പർമാർ സുഹൃത്തുക്കളെയും കുടുംബാംഗങ്ങളെയും വാട്സ് ആപ് ഗ്രൂപ്പുകൾ വഴി പ്രചാരണവും, നേരിട്ട് വിളിച്ചു വോട്ടുറപ്പിക്കുവാനും കോളിങ് ബൂത്തിലൂടെ അവസരം ഒരുക്കുമെന്ന് പ്രസിഡന്റ് ശിഹാബ് കരിമ്പാറ പറഞ്ഞു.

റിയാദ് ഒഐസിസി സെൻട്രൽ കമ്മറ്റി സംഘടന ചുമതലയുള്ള ജനറൽ സെക്രട്ടറി ഫൈസൽ ബഹ്‌സാൻ അമുഖ പ്രഭാഷണം നിർവഹിച്ചു. മുസ്ലിം ലീഗ് സംസ്ഥാന സെക്രട്ടേറിയേറ്റ് അംഗം MA സമദ് സാഹിബ്, റിയാദ് ഒഐസിസി ചെയർമാൻ കുഞ്ഞി കുമ്പള, ഒഐസിസി വൈസ് പ്രസിഡന്റ്മാരായ രഘുനാഥ് പറശ്ശിനിക്കടവ് ,അമീർ പട്ടണത്, സെൻട്രൽ കമ്മറ്റി സെക്രട്ടറി ഹക്കീം പട്ടാമ്പി,ഷാജഹാൻ ചളവറ (പ്രോഗ്രാം കൺവീനർ ) സെൻട്രൽ കമ്മറ്റി എക്ക്സിക്യൂട്ടീവ് മെംബേർ മുസ്തഫ,അനീസ് തൃത്താല,ഒഐസിസി പത്തനംതിട്ട പ്രസിഡന്റ്‌ കെ കെ തോമസ് എന്നിവർ പ്രസംഗിച്ചു.

സജീർ പൂന്തുറ , യഹ്യ കൊടുങ്ങല്ലൂർ , സുരേഷ് ശങ്കർ , നിഷാദ് ആലങ്കോട് ,നാദിർഷ റഹിമാൻ ,കരീം കൊടുവള്ളി ,നൗഷാദ് കറ്റാനം,ജോൺസൻ ,സൈഫു കായംകുളം ,മജു സിവിൽസ്റ്റേഷൻ , വിൻസെന്റ് ,ഷഫീക് പുരക്കുന്നേൽ ,അലക്സ് കൊട്ടാരക്കര , അൻസാർ വർക്കല , ശരത് സ്വാമിനാഥൻ , ഹരീന്ദ്രൻ , ബിനോയ് , സൈനുദ്ധീൻ പട്ടാമ്പി , നാസർ വലപ്പാട് ,സോണി പാറക്കൽ ,അൻസായി ഷൗക്കത്,തൽഹത് തൃശ്ശൂർ ,ഷാജി മഠത്തിൽ ,സലാം ഇടുക്കി ,നൗഷാദ് ഇടുക്കി ,ഭദ്രൻ തിരുവന്തപുരം എന്നിവർ പങ്കെടുത്തു.

ജില്ലാ കമ്മറ്റി വൈസ് പ്രസിഡന്റുമാരായ സൈനുദ്ധീൻ, ജോസ് കരിമ്പുഴ , ജോയിന്റ്ട്രഷറർ നിഹാസ് പാലക്കാട്‌,എക്ക്സിക്യൂട്ടീവ് മെമ്പർമാരായ ബെന്നി പൊമ്പ്ര,ഷഫീർ പത്തിരിപാലാ,സുൽഫിക്കർ പത്തിരിപ്പാല,മുഹമ്മദലി,പെരുവെമ്പ്,ഷാജഹാൻ ആലത്തൂർ,അൻസാർ തൃത്താല,ബെന്നി, സെൻട്രൽ കമ്മറ്റി സെക്രട്ടറി രാജു ,റിയാസ് കരിമ്പുഴ,റഷീദ് കോങ്ങാട് ,ജംഷാദ് വാക്കയിൽ,അൻവർസാദത്, നഹാസ്, എന്നിവർപരിപാടിക്ക് നേതൃത്വം നൽകി.

റിയാദ് ഒഐസിസി പാലക്കാട്‌ ജില്ലാ ജനറൽ സെക്രട്ടറി മൊയ്‌ദീൻ മണ്ണാർക്കാട് സ്വാഗതവും ട്രഷറർ ഷഹീർ കൊട്ടേക്കട്ടിൽ നന്ദിയും പറഞ്ഞു.