അനുകൂല സാഹചര്യം; അർജുനായി ഈശ്വർ മാൽപെ നാളെ ഷിരൂരിൽ

ഷിരൂർ: ഷിരൂരിൽ മണ്ണിടിച്ചിലിൽ കാണാതായ മലയാളി ഡ്രൈവർ ‍അർജുനായുള്ള തിരച്ചിൽ നാളെ പുനരാരംഭിച്ചേക്കും. പുഴയിൽ ഇറങ്ങി ത്രസിച്ചിൽ നടത്താൻ അനുകൂല സാഹചര്യമാണ് ഉള്ളതെന്ന് മുങ്ങൽ‌ വിദ​ഗ്ധൻ ഈശ്വർ മാൽപെ പറഞ്ഞു. ജലനിരപ്പ് കുറഞ്ഞതിനാൽ തെരച്ചിൽ നടത്താൻ സ്വയമേധേ സന്നദ്ധനാണെന്ന് ഈശ്വർ മാൽപ്പെ അർജുന്റെ കുടുംബത്തെ അറിയിച്ചിരുന്നു.

അതേസമയം തിരച്ചിലിന് ഔദ്യോഗികമായി അനുമതി ജില്ലാ ഭരണകൂടം നൽകിയിട്ടില്ല. ജൂലൈ 16നുണ്ടായ മണ്ണിടിച്ചിലിനാണ് അർജുനെ കാണാതാകുന്നത്. 13 ദിവസം കരയിലും ​ഗം​ഗാവലി പുഴയിലും സൈന്യം ഉൾപ്പെടെയുള്ളവർ അർജുനായി തരിച്ചിൽ നടത്തിയെങ്കിലും കണ്ടെത്താനായില്ലായിരുന്നു. പുഴയിലെ ശക്തമായ ഒഴുക്കും ചെളിയും കല്ലും രക്ഷാദൗത്യത്തിന് വെല്ലുവിളി ഉയർത്തിയതോടെയാണ് ദൗത്യം താത്കാലികമായി അവസാനിപ്പിച്ചിരുന്നത്.