പരാജയപ്പെടുമെന്ന് ഭയം; ആസൂത്രിതമായ രാഷ്ട്രീയ ഗൂഢാലോചന: രാഹുൽ മാങ്കൂട്ടത്തിൽ

കോഴിക്കോട്: പാലക്കാട് പൊലീസ് അർദ്ധരാത്രിയിൽ നടത്തിയത് ആസൂത്രിതമായ രാഷ്ട്രീയ ഗൂഢാലോചനയുടെ ഭാഗമായ പരിശോധനയായിരുന്നെന്ന് യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ. സിപിഎമ്മിന്റെ പരാജയഭീതിയാണ് ഇതിന് കാരണമെന്നും നിയമപരമായും രാഷ്ട്രീയപമായും ഇതിനെ നേരിടുമെന്നും രാഹുൽ പറഞ്ഞു. എൽഡിഎഫ് കൺവീനർ ടി പി രാമകൃഷ്ണന്റെ പരാമർശവും രാഹുൽ തള്ളി. അദ്ദേഹം പൊലീസിന് പൊളിറ്റിക്കൽ ഡയറക്ഷൻ കൊടുക്കുകയാണ്. ചിലരുടെ കമന്റ് ഞാൻ റെക്കോർഡ് ചെയ്തുവെച്ചിട്ടുണ്ട്. മുൻ എംഎൽഎ എന്തിനാണ് രാത്രി വാതിൽ തുറന്നുകൊടുക്കേണ്ടത്? കെ കെ ശൈലജയുടെ മുറിയിൽ പൊലീസുകാർ അർദ്ധരാത്രിയിൽ കയറിയാൽ സിപിഎഎം പൊലീസ് സ്റ്റേഷൻ കത്തിക്കില്ലേ? ജനങ്ങൾ എല്ലാം കാണുന്നുണ്ടെന്നും പാലക്കാട്ടെ ജനങ്ങൾ ഇരുപതാം തീയതി ഇതിനൊക്കെ മറുപടി നൽകുമെന്നും രാഹുൽ പറഞ്ഞു.