വിഷു ബമ്പർ VC 490987 ടിക്കറ്റിന്, ഒന്നാം സമ്മാനം 12 കോടി രൂപ

തിരുവനന്തപുരം: കേരള സംസ്ഥാന ഭാഗ്യക്കുറിയുടെ വിഷു ബമ്പർ BR 97 ഫലം പ്രഖ്യാപിച്ചു. VC 490987 എന്ന ടിക്കറ്റിനാണ് ഒന്നാം സമ്മാനം. 12 കോടി രൂപയാണ് ഒന്നാം സമ്മാനത്തിനർഹമായ ടിക്കറ്റിന് ലഭിക്കുക. തിരുവനന്തപുരത്തെ ഗോർക്കി ഭവനിൽ ഉച്ചകഴിഞ്ഞ് രണ്ടു മണിക്കാണ് നറുക്കെടുപ്പ് നടന്നത്. തെരഞ്ഞെടുപ്പ് പെരുമാറ്റച്ചട്ടത്തിൻ്റെ പശ്ചാത്തലത്തിൽ ധനമന്ത്രി കെഎൻ ബാലഗോപാൽ നറുക്കെടുപ്പിൽ പങ്കെടുത്തില്ല. ഭാഗ്യക്കുറി വകുപ്പ് ജോയിൻ്റ് ഡയറക്ട‍ർ രാജ്കപൂറിൻ്റെ നേതൃത്വത്തിലാണ് നറുക്കെടുപ്പ് നടന്നത്.

ഒന്നാം സമ്മാനം VC 490987 എന്ന നമ്പരിനാണ്. ടിക്കറ്റ് ആലപ്പുഴയില്‍ നിന്നുള്ളതാണെന്നാണ് സൂചന. അനില്‍ കുമാര്‍ എന്ന ഏജന്റാണ് ടിക്കറ്റ് വിറ്റത്. 12 കോടിയാണ് ഒന്നാം സമ്മാനം.
രണ്ടാം സമ്മാനത്തിനര്‍ഹമായ നമ്പരുകള്‍ VA 205272,VB 429992, VC 523085,VD 154182, VE 565485,VG 654490.

മൂന്നാം സമ്മാനത്തിനര്‍ഹമായ നമ്പരുകള്‍ VA 160472,VB 125395,VC 736469,VD 367949, VE 171235,VG 553837. അന്തിമഫലം ഭാഗ്യക്കുറി വകുപ്പിന്റെ ഔദ്യോഗിക വെബ്‌സൈറ്റായ https://keralalotteries.com ല്‍ ലഭ്യമാകും.

ഇത്തവണ 42 ലക്ഷം ടിക്കറ്റുകളാണ് വിപണിയിലിറക്കിയത്. രണ്ടാം സമ്മാനം ഒരു കോടി രൂപ വീതവും മൂന്നാം സമ്മാനം 10 ലക്ഷം രൂപ വീതവും നാലാം സമ്മാനം അഞ്ച് ലക്ഷം രൂപ വീതവുമാണ്.