സ്വർണവില സർവകാല റെക്കോഡിൽ

സംസ്ഥാനത്ത് സ്വർണവില വീണ്ടും റെക്കോർഡ് നിരക്കിൽ. 80 രൂപ കൂടി പവന് 52,960 രൂപയായി. ഗ്രാമിന് പത്ത് രൂപ വർധിച്ച് 6620 രൂപയായി. ഈ മാസത്തിൽ ഇതുവരെ പവന് 2080 രൂപയാണ് വർധിച്ചത്. കഴിഞ്ഞ അഞ്ച് ദിവസമായി സ്വർണവില തുടർച്ചയായി റെക്കോർഡ് നിരക്കിലാണ്. അഞ്ച് ദിവസത്തിനിടെ ഗ്രാമിന് 205 രൂപയുടെ വർധനയാണ് ഉണ്ടായത്. ആഗോളതലത്തിൽ സ്വർണവിലയിൽ ഉണ്ടായ വർധന, സുരക്ഷിത നിക്ഷേപമായി സ്വർണത്തെ കണക്കാക്കുന്നത് വില വർധനയ്ക്ക് കാരണമാകുന്നുണ്ടെന്നാണ് വിദഗ്‌ധാഭിപ്രായം.