പെന്ഷന് നല്കാത്തതില് സര്ക്കാര് മറുപടി നല്കും; മറിയക്കുട്ടിയുടെ ഹര്ജി ഹൈക്കോടതി ഇന്ന് വീണ്ടും പരിഗണിക്കും
പെന്ഷന് നല്കാത്തതില് സര്ക്കാര് മറുപടി നല്കും; മറിയക്കുട്ടിയുടെ ഹര്ജി ഹൈക്കോടതി ഇന്ന് വീണ്ടും പരിഗണിക്കും
പെന്ഷന് നല്കിയില്ലെങ്കില് മറിയക്കുട്ടിയുടെ മൂന്നു മാസത്തെ ചെലവ് സര്ക്കാര് ഏറ്റെടുക്കണമെന്നും കോടതി ഇന്നലെ പറഞ്ഞിരുന്നു.കേന്ദ്ര വിഹിതം ലഭിച്ചില്ലെന്ന സംസ്ഥാന സര്ക്കാര് ആരോപണത്തിന് കേന്ദ്ര സര്ക്കാരും മറുപടി നല്കണമെന്നും ഹൈക്കോടതി വ്യക്തമാക്കിയിരുന്നു.
കൊച്ചി:വിധവാ പെന്ഷന് മുടങ്ങിയത് ചോദ്യം ചെയ്ത് അടിമാലി സ്വദേശിനി മറിയക്കുട്ടി നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും.എന്തുകൊണ്ട് പെന്ഷന് നല്കിയില്ലെന്ന് മറുപടി നല്കാന് സംസ്ഥാന സര്ക്കാരിനോട് സിംഗിള് ബെഞ്ച് ആവശ്യപ്പെട്ടിട്ടുണ്ട്.ഇതുസംബന്ധിച്ച് സര്ക്കാര് ഇന്ന് കോടതിയില് മറുപടി നല്കും.
പെന്ഷന് മുടങ്ങിയിതിനെതിരെ മറിയക്കുട്ടി നല്കിയ ഹര്ജിയില് സര്ക്കാരിനെ രൂക്ഷമായാണ് ഹൈക്കോടതി വിമര്ശിച്ചത്.മറിയക്കുട്ടിക്ക് പെന്ഷന് നല്കിയേ തീരുവെന്നാണ് കോടതി പറഞ്ഞത്.
മറ്റ് കാര്യങ്ങള്ക്ക് പണം ചെലവാക്കാന് സര്ക്കാരിനുണ്ട്.പണം കൊടുക്കാന് പറ്റില്ലെങ്കില് മരുന്നിന്റേയും ആഹാരത്തിന്റേയും ചെലവെങ്കിലും കൊടുക്കുവെന്ന് ഹൈക്കോടതി നിര്ദേശിച്ചിരുന്നു.
വിധവാപെന്ഷന് കുടിശിക വേണമെന്നാവശ്യപ്പെട്ട് അടിമാലി സ്വദേശിനി മറിയക്കുട്ടി നല്കിയ ഹര്ജിയില് കേന്ദ്ര വിഹിതം കിട്ടിയിട്ടില്ലെന്നാണ് സംസ്ഥാന സര്ക്കാര് മറുപടി നല്കിയത്.
ക്രിസ്മസിനു പെന്ഷന് ചോദിച്ചു വന്നത് നിസാരം ആയി കാണാന് ആവില്ലെന്ന് കോടതി പറഞ്ഞിരുന്നു.
Online Desk
View all postsneethu.reporter@veekshanam.com
