തിരുവനന്തപുരത്ത് നിന്നും കാണാതായ 12കാരനെ കണ്ടെത്തി

തിരുവനന്തപുരം: നാലാഞ്ചിറയില്‍ നിന്നും കാണാതായ 12കാരനെ കണ്ടെത്തിയതായി റിപ്പോർട്ട്. കോണ്‍വെന്റ് ലൈനിലെ വീട്ടില്‍നിന്നും കാണാതായ കുട്ടിയെ കുറവംകോണത്തുനിന്നാണ് കണ്ടെത്തിയതെന്നാണ് പുറത്തു വരുന്ന വിവരം. കാണാതായ കുട്ടിയെ നേരത്തെ പരിചയമുള്ളയാള്‍ തിരിച്ചറിയുകയായിരുന്നു എന്നാണ് ലഭിക്കുന്ന വിവരം. കുട്ടി റോഡിലൂടെ നടന്ന് പോകുന്നത് കാണുകയും വീട്ടുകാരെ വിവരമറിയിക്കുകയുമായിരുന്നു. അതേസമയം രാവിലെ ആറു വരെ കുട്ടി വീട്ടില്‍ ഉണ്ടായിരുന്നെന്ന് കുട്ടിയുടെ പിതാവ് പറഞ്ഞിരുന്നു. തുടർന്ന് കുട്ടിക്കായി വീട്ടുകാരും പ്രദേശവാസികളും തിരച്ചില്‍ നടത്തുകയും ഫലമില്ലാതിരുന്നതിനെ തുടർന്ന് പൊലീസില്‍ വിവരം അറിയിക്കുകയുമായിരുന്നു. പൊലീസ് സി.സി.ടി.വി ദൃശ്യങ്ങളടക്കം പരിശോധിച്ചിരുന്നു.