പാലക്കാട് ചാലിശ്ശേരിയിൽ കിണർ വറ്റി വരണ്ടു; സംഭവം ഭൂചലനത്തിന് പിന്നാലെ

പാലക്കാട്: കഴിഞ്ഞ ദിവസമാണ് പാലക്കാടും തൃശ്ശൂരും ഭൂചലനം ഉണ്ടായത്. ഇതിനെ തുടർന്ന് ചില വീടുകൾക്ക് നേരിയ തോതിലുള്ള കേടുപാടുകൾ സംഭവിച്ചിരുന്നു.എന്നാൽ ചാലിശ്ശേരിയിൽ ഭൂചലനത്തിന് പിന്നാലെ കിണർ വറ്റി വരണ്ടു. ചാലിശ്ശേരി പെരുമണ്ണൂരിലെ പൊന്നത്ത് വളപ്പിൽ കുഞ്ഞാന്റെ വീട്ടിലെ 70 വർഷം പഴക്കമുള്ള കിണറാണ് വറ്റി വരണ്ടത്. നിറയെ വെള്ളമുണ്ടായിരുന്ന കിണർ പൂർണമായും വറ്റിവരണ്ട നിലയിലായിരുന്നു. കഴിഞ്ഞ ദിവസം മഴ പെയ്ത് വെള്ളം നിറഞ്ഞെങ്കിലും പിന്നീട് അതും ഇറങ്ങിപ്പോയ അവസ്ഥയാണ്.ശനി, ഞായർ ദിവസങ്ങളിലാണ് പ്രദേശത്ത് ഭൂചലനമുണ്ടായിരുത്. ഇതിന് ശേഷമാണ് കിണറിൽ നിന്നും വെള്ളം പൂർണ്ണമായും താഴ്ന്നു പോയതെന്നാണ് നാട്ടുകാരും പറയുന്നത്.