പുത്തൻ ഫീച്ചറുമായി ഇൻസ്റ്റഗ്രാം: പ്രൊഫൈലില്‍ ഇനിമുതൽ പാട്ടും ചേർക്കാം

കാലിഫോര്‍ണിയ: മെറ്റയുടെ സോഷ്യല്‍ മീഡിയ പ്ലാറ്റ്‌ഫോം ഇന്‍സ്റ്റഗ്രാമിൽ പുതിയ ഒരു ഫീച്ചർ അവതരിപ്പിച്ചു. ഇനി പ്രൊഫൈലിലെ ഫോട്ടോയോടൊപ്പം ഇഷ്ടമുള്ള പാട്ടുകളും മ്യൂസിക് ട്രാക്കുകളും ചേർക്കാം.

ഇത് ബയോ സെക്ഷനിൽ അപ്ഡേറ്റ് ചെയ്യാവുന്ന പുതിയ ഫീച്ചറാണ്. ഇതിന് ശേഷം തിരഞ്ഞെടുക്കുന്ന പാട്ടുകൾ പ്രൊഫൈലിലെ മറ്റ് വിവരങ്ങൾക്കൊപ്പം പ്രദർശിപ്പിക്കാം, താൽപ്പര്യമുണ്ടെങ്കിൽ അവ ഡിലീറ്റ് ചെയ്ത് പുതിയ പാട്ടുകൾ ചേർക്കാനും കഴിയും.

'മൈസ്പേസ്' ആപ്പില്‍ വര്‍ഷങ്ങളായുള്ള ഫീച്ചറാണിത്. എന്നാല്‍ മൈസ്പേസിലെ പോലെ ഇന്‍സ്റ്റയില്‍ ഇത് ഓട്ടോപ്ലേയാവില്ല. പകരം ഇന്‍സ്റ്റ യൂസര്‍മാര്‍ പ്രൊഫൈലില്‍ ക്ലിക്ക് ചെയ്ത് പാട്ട് കേള്‍ക്കുകയും പോസ് ചെയ്യുകയും വേണം.