ആർഎൽവി രാമകൃഷ്ണനെ മോഹിനിയാട്ടം അവതരിപ്പിക്കാൻ ക്ഷണിച്ച് കലാമണ്ഡലം

മോഹിനിയാട്ടം അവതരിപ്പിക്കാൻ ആർഎൽവി രാമകൃഷ്ണനെ ക്ഷണിച്ച് കലാമണ്ഡലം. കലാമണ്ഡലത്തിലെ കൂത്തമ്പലത്തിൽ ശനിയാഴ്ച വൈകിട്ട് അഞ്ചിനാണ് അവതരണം. കലാമണ്ഡലത്തിലെ ഗവേഷക വിദ്യാർത്ഥിയായിരുന്നു ആർഎൽവി രാമകൃഷ്ണൻ. ആദ്യമായാണ് കലാമണ്ഡലത്തിൽ അവതരണത്തിനായി അവസരം ലഭിക്കുന്നതെന്ന് രാമകൃഷ്ണൻ പ്രതികരിച്ചു.

കലാമണ്ഡലം സത്യഭാമ നടത്തിയ വിവാദ പരാമർശത്തിന് പിന്നാലെയാണ് കലാമണ്ഡലം നേരിട്ട് രാമകൃഷ്ണനെ അവതരണത്തിനായി ക്ഷണിക്കുന്നത്. നേരത്തെ സുരേഷ്‌ഗോപി നൽകിയ ക്ഷണം ആർഎൽവി രാമകൃഷ്ണൻ നിരസിച്ചിരുന്നു. വിവാദപരാമർശത്തിൽ നിരവധിപേർ സത്യഭാമക്കെതിരെ രംഗത്തെത്തിയിരുന്നു. സംഭവത്തിൽ മനുഷ്യാവകാശ കമ്മീഷൻ സ്വയമേധയ കേസ് എടുത്തിരുന്നു.