പിന്നോട്ട് മലക്കം മറിഞ്ഞ് രണ്ടാംക്ലാസുകാരന്‍ കാശിനാഥന് റെക്കോര്‍ഡ്

ആലപ്പുഴ: പിന്നോട്ട് മലക്കം മറിഞ്ഞ് രണ്ടാംക്ലാസുകാരന്‍ യു കെ കാശിനാഥന് റെക്കോര്‍ഡ്. 20 മിനിറ്റും 49 സെക്കന്‍ഡുകൊണ്ട് 220 തവണ മലക്കംമറിഞ്ഞ് ഏറ്റവും പ്രായംകുറഞ്ഞ മത്സരാര്‍ത്ഥിയായി ഇന്ത്യ ബുക്ക് ഓഫ് റെക്കോര്‍ഡ് സ്വന്തമാക്കിയത്.

മൂന്നുവയസ്സ് മുതല്‍ ആലപ്പുഴ രുദ്രകളരിയില്‍ ഗുരുക്കള്‍ പ്രദീപ് പെരുമാളിന്റെ ശിക്ഷണത്തിലായിരുന്നു പരിശീലനം. ചെട്ടിക്കുളങ്ങര ഈരേഴനോര്‍ത്ത് എല്‍പി സ്‌കൂള്‍ വിദ്യാര്‍ത്ഥിയും ചെട്ടിക്കുളങ്ങര ഉണിച്ചിരേത്ത് കിഴക്കേതില്‍ വീട്ടില്‍ ഉമേഷ് ഉണ്ണികൃഷ്ണന്‍-ശരണ്യ ദമ്പതികളുടെ മകനുമാണ്. പിതാവ് കളരി പരിശീലനകനും മാതാവ് കളരിപ്പയറ്റ് വിദ്യാര്‍ഥിയുമാണ്. വാര്‍ത്തസമ്മേളനത്തില്‍ പിതാവ് ഉമേഷ് ഉണ്ണികൃഷ്ണനും പങ്കെടുത്തു.