ഇഞ്ചക്കാട് എൽപിഎസിന് സ്കൂൾ അക്കാഡമി അവാർഡ്

കൊല്ലം: ഐഎസ്ഒ അം​ഗീകാരമുള്ള സ്കൂൾ അക്കാഡമി കേരള ഏർപ്പെടുത്തിയ മികച്ച സ്കൂളിനുള്ള എക്സലന്റ് അവാർഡ് ശാസ്താംകോട്ട വിദ്യാഭ്യസ ഉപജില്ലയിലെ ഇഞ്ചക്കാട് ​ഗവ. എൽപി സ്കൂളിന്. ജില്ലയിൽ ഈ പുരസ്കാരം നേടിയ ഏക സ്കൂളാണിത്. സെന്റ് ​ഗ്രി​ഗോറിയോസ് എച്ച്എസ്എസ് കുമ്പളങ്ങി, സിഎംഐ എൽപിഎസ് കോട്ടയം എന്നീ സ്കൂളുകളും പുരസ്കാരം നേടി. മികച്ച പിടിഎയ്ക്കുള്ള പുരസ്കാരം തിരുവനന്തപുരം ചാങ്ങ ​ഗവ. എൽപിഎസ് സ്കൂളും കരസ്ഥമാക്കി. പടിഞ്ഞാറേ കല്ലട ​ഗവ. എച്ച്എസ് എസ് സുവോളജി അധ്യാപിക ഡോ. എസ് ജയശ്രീ ദേശീയ സ്കൂൾ രത്ന പുരസ്കാരത്തിനും അർഹയായി.
എസ്. സുബൈർ, പി.എം. സുനിൽ കുമാർ, കെ.എം. അബ്ദുൾ ജലാൽ, കെ.വി. ഷീബ, മിനി ചന്ദ്രൻ എന്നിവർക്കും സ്കൂൾരത്ന പുരസ്കാരം ലഭിച്ചു.