യൂത്ത്‌കോണ്‍ഗ്രസ് പ്രവര്‍ത്തകര്‍ക്കു നേരെയുള്ള പൊലീസ് ആക്രമണം: ഡിജിപി ഓഫീസ് മാര്‍ച്ചുമായി കെ.എസ്.യു

ജനാധിപത്യപരമായി സമരം ചെയ്യുന്ന കെ.എസ്.യു നേതാക്കന്മാര്‍ക്ക് നേരെയുള്ള കാക്കിയണിഞ്ഞ പിണറായി ഭക്തരുടെ അഴിഞ്ഞാട്ടത്തില്‍ പ്രതിഷേധിച്ച് നാളെ രാവിലെ 10.30 ന് ഡിജിപി ഓഫീസ് മാര്‍ച്ച് സംഘടിപ്പിക്കുമെന്ന് സംസ്ഥാന പ്രസിഡന്റ് അലോഷ്യസ് സേവ്യര്‍ അറിയിച്ചു.കെ.പി.സി.സി ഓഫീസ് പരിസരത്ത് നിന്നാകും മാര്‍ച്ച് ആരംഭിക്കുക. സംസ്ഥാനത്ത് ഉടനീളം നവകേരള സദസ്സിനെതിരെ ജനാധിപത്യപരമായി സമയം ചെയ്യുന്ന കെ.എസ്.യു-യൂത്ത് കോണ്‍ഗ്രസ് പ്രവര്‍ത്തകരെ പോലീസിന്റെ സാനിധ്യത്തില്‍ യാതൊരു കാരണവും കൂടാതെ എസ്.എഫ്.ഐ - ഡിവൈഎഫ്‌ഐ ഗുണ്ടകള്‍ മര്‍ദ്ദിക്കുകയാണെന്നും കേരളത്തില്‍ ഇവര്‍ ഗുണ്ടാ രാജ് നടപ്പാക്കുകയാണെന്നും അലോഷ്യസ് സേവ്യര്‍ കുറ്റപ്പെടുത്തി.