പതിനാറാം ദിവസവും അഞ്ചു കോടിക്ക് മുകളില്‍ കളക്ഷനുമായി മഞ്ഞുമ്മൽ ബോയ്സ്

വിജയകരമായി പ്രദര്‍ശനം തുടരുന്ന മഞ്ഞുമ്മൽ ബോയ്സ് ആദ്യത്തെ 15 ദിവസം കൊണ്ട് തന്നെ ഇന്ത്യന്‍ ബോക്‌സ് ഓഫീസില്‍ നിന്ന് 63.50 കോടി രൂപ നേടിക്കഴിഞ്ഞു. പ്രദര്‍ശനത്തിനെത്തി പതിനാറാമത്തെ ദിവസം ഏകദേശം 5.50 കോടി രൂപ ഇന്ത്യന്‍ ബോക്‌സ് ഓഫീസില്‍ നിന്ന് തന്നെ നേടി മഞ്ഞുമ്മൽ ബോയ്സ്. റിലീസ് ചെയ്ത് ആദ്യത്തെ ആഴ്ചയിൽ തന്നെ ഏകദേശം 26.35 കോടി കളക്ഷൻ നേടി മഞ്ഞുമ്മൽ ബോയ്സ്.

ചിദംബരം സംവിധാനം ചെയ്ത മഞ്ഞുമ്മൽ ബോയ്സ് ഫെബ്രുവരി 22നാണ് തിയേറ്ററിൽ പ്രദർശനം തുടങ്ങിയത്.മഞ്ഞുമ്മൽ ബോയ്സ് തമിഴ് നാട്ടിലും വിജയകരമായി പ്രദർശനം തുടരുന്നു. തമിഴ്‌നാട്ടില്‍ നിന്ന് മാത്രം 25 കോടിയില്‍ അധികം കളക്ഷന്‍ നേടിയെന്നാണ് റിപ്പോര്‍ട്ടുകള്‍. 129- 130 കോടി വരെ ആഗോള ബോക്‌സ് ഓഫീസ് കളക്ഷന്‍ പിന്നിട്ടു എന്നാണ് ലഭിക്കുന്ന വിവരം.