മെട്രോ മെഡിക്കൽ ഗ്രൂപ്പ് ഇഫ്താർ സംഗമം നടത്തി.
കുവൈറ്റ് സിറ്റി : ആതുര മേഖലയിലെ പ്രമുഖരായ മെട്രോ മെഡിക്കൽ ഗ്രൂപ്പ് ഇഫ്താർ സംഗമം സംഘടിപ്പിച്ചു. സമൂഹത്തിന്റെ സാഹോദര്യ ത്തിനും സാംസ്കാരിക ബന്ധങ്ങൾക്കും ഇത്തരം കൂട്ടായ്മകളുടെ പ്രാധാന്യം വളരെ വലുതാണ്. ഇത്തരം കൂടിച്ചേരലുകൾക്ക് ഗ്രൂപ്പ് എല്ലായ്പ്പോഴും നേതൃത്വം നൽകുമെന്നും മെട്രോ മെഡിക്കൽ ഗ്രൂപ്പ് ചെയർമാനും സിഇഒ യുമായ മുസ്തഫ ഹംസ അറിയിച്ചു. റമദാനി ന്റെയും നോമ്പിന്റെയും പ്രാധാന്യവും അതു മനുഷ്യകുലത്തിനു നൽകുന്ന നന്മയുടെയും സഹനത്തിന്റെയും പ്രാധാന്യവും റമദാൻ സന്ദേശം നൽകിയ ഷറഫുദ്ധീൻ സൂഫി ഹൃദ്യമായ രീതിയിൽ വിവരിച്ചു.
മെട്രോ ഗ്രുപ്പിന്റെ പുതിയ കോർപ്പറേറ്റ് ഓഫീസിൽ സമുച്ചയത്തിൽ ഒരുക്കിയ ഇഫ്താർ സംഗമം പ്രവാസികൾക്ക് സൗഹൃദം പങ്കിടാനുള്ള ഒരു വേദി കൂടിയായി മാറി. വിവിധ രാജ്യങ്ങളുടെ സ്ഥാനപതിമാർ ഉൾപ്പെടുന്ന ഡിപ്ലോമാറ്റുകളോടൊപ്പം, കുവൈറ്റ് ആരോഗ്യ മന്ത്രാലയപ്രതിനിധികൾഉൾപ്പെടെ സമൂഹത്തിന്റെ നാനാ തുറകളിലെ വ്യക്തിത്വങ്ങൾ പങ്കു ചേർന്നു. മാനേജിങ് പാർട്ണർമാരായ ഇബ്രാഹിം കുട്ടി, ഡോ.ബിജി ബഷീർ എന്നിവരും ഉയർന്ന മെട്രോ ഉദ്യോഗസ്ഥരും നേതൃത്വം നൽകി.