ഓ ഐ സി സി സൗദി വെസ്റ്റേൺ റീജിണൽ കമ്മിറ്റി തിരഞ്ഞെടുപ്പ് ജനുവരി 19 ന് .

ദമ്മാം : ഓ ഐ സി സി വെസ്റ്റേൺ റീജിണൽ കമ്മിറ്റി തിരഞ്ഞെടുപ്പ് ജനുവരി 19 വെള്ളിയാഴ്ച നടക്കുമെന്ന് ഓ ഐ സി സി നാഷനൽകമ്മിറ്റി പ്രസിഡണ്ട് ബിജു കല്ലുമല അറിയിച്ചു.

തിരഞ്ഞെടുപ്പ് നടപടികൾക്ക്‌ ഒഐസിസി ചാർജുള്ള കെ പി സി സി ജനറൽ സെക്രെട്ടറിമാരായ അഡ്വ .പഴകുളം മധു , പി എ .സലിം , ഗ്ലോബൽ കമ്മിറ്റി ചെയർമാൻ കുമ്പളത്ത് ശങ്കരപ്പിള്ള , നാഷനൽകമ്മിറ്റി പ്രസിഡണ്ട് ബിജു കല്ലുമല എന്നിവർ നേതൃത്വം നൽകും. തിരഞ്ഞെടുപ്പ് നടപടികൾ നിയന്ത്രിക്കുന്നതിനായി റസാഖ് പൂക്കോട്ടുംപാടം , റഹ്‌മാൻ മുനമ്പത്ത് എന്നിവരെ റിട്ടേണിങ് ഓഫീസർമാരായി നാഷണൽകമ്മിറ്റി ചുമതലപ്പെടുത്തിയതായും ബിജു കല്ലുമല അറിയിച്ചു .

തിരഞ്ഞെടുപ്പുമായി ബന്ധപ്പെട്ട് നോമിനേഷൻ സമർപ്പണമുൾപ്പെടെയുള്ള നടപടി ക്രമങ്ങൾ ആരംഭിച്ചതായും നാഷനൽകമ്മിറ്റി അറിയിച്ചു. എല്ലാ റീജിയണൽ തിരഞ്ഞെടുപ്പ് നടപടികൾ പൂർത്തീകരിച്ചതിന് ശേഷം വിപുലമായ രണ്ടാം ഘട്ട മെമ്പർഷിപ്പ് ക്യാമ്പയിന് തുടക്കം കുറിക്കുമെന്നും ഓ ഐ സി സി യുടെ പ്രവർത്തനങ്ങൾ കടന്നു ചെല്ലാത്ത പ്രദേശങ്ങളിൽ പുതിയ കമ്മറ്റികൾ രൂപീകരിച്ച്‌ പ്രവർത്തനം ഊർജ്ജിതമാക്കുമെന്നും നാഷനൽകമ്മിറ്റി പ്രസിഡണ്ട് അറിയിച്ചു.